+21 °С
Болытлы
Гомум мәкаләләр
24 апрель 2020, 05:46
Надежда Бабкина комадан чыккан, әмма әлегә телсез
Русиянең халык артисты Надежда Георгиевна Бабкина өчен Башкортстанда да борчылалар. Аның биредә күпсанлы дуслары яши. Әлеге фотода ул Мәләвез районы хакимияте башлыгы Рөстәм Шәмсетдинов белән.
Русиянең халык артисты Надежда Георгиевна Бабкина өчен Башкортстанда да борчылалар. Аның биредә күпсанлы дуслары яши. Әлеге фотода ул Мәләвез районы хакимияте башлыгы Рөстәм Шәмсетдинов белән.
Мода тарихчысы, «Модный приговор» тапшыруын алып баручы Александр Васильев Надежда Бабкинаның хәле турында "Московский комсомолец" журналистларына хәбәр иткән.
Аның сүзләренә караганда, башта анда коронавирус дип уйлыйлар, берничә тапкыр тест ясыйлар. Бәхеткә, алар тискәре нәтиҗә бирә. Рәсми диагнозы - үпкәләр ялкынсынуы.
Шул ук вакытта, Бабкина тирәсендәге берничә кешедә коронавирус табылган. Аның шәхси машинасын йөртүче ир-ат COVID-19 белән авырган.
«Бабкинаның шәхси йөртүчесе, аның хатыны һәм улы шушы xbh белән авырый», — дигән Александр Васильев.
Соңгы мәгълүматлар буенча, Бабкинаның хәле яхшы түгел. Медикаментоз комадан чыгаргач, ул аңына килгән, ләкин әлегә ишарәләр белән генә аралаша. Табиблар анда депрессия билгеләре булуын ачыклаган, аның йөрәк ритмы белән дә проблемалары бар.
Шул ук вакытта, аның температурасы төшкән, ясалма сулыш алу аппаратына тоташтыру туктатылган.
Надежда Бабкина 1950 елның 19 мартында туган. Аңа 70 яшь.
Фото: vk.com
