+24 °С
Яңгыр
Гомум мәкаләләр
7 апрель 2021, 15:52
Спортта чикләр юк!
Бүген, 7 апрельдә, "Башкортостан" дәүләт концертлар залында 13 тапкыр Паралимпия уены чемпионы Рима Баталова исемендәге "Милләт яшьлеге" VII иҗтимагый премиясен тапшыру тантанасы үтте.
Бүген, 7 апрельдә, "Башкортостан" дәүләт концертлар залында 13 тапкыр Паралимпия уены чемпионы Рима Баталова исемендәге "Милләт яшьлеге" VII иҗтимагый премиясен тапшыру тантанасы үтте.
Конкурс мөмкинлекләре чикле иң яхшы яшь спортчыларны, тренерларны, инвалид балалы яшь гаиләләрне, хәйриячеләрне, шулай ук киңкүләм мәгълүмат чараларын ачыкларга мөмкинлек бирә. Быел катнашу өчен 100дән артык кеше гариза җибәргән. Җиңүчеләр җиде номинациядә билгеләнде: «Елның алга китеше», «Чикләрсез спорт», «Паралимпия спортының өмете», «Җиңү сере», «Чемпионны тәрбияләү», «Йөрәк кушуы буенча», «Ачык караш». Номинантлар танылган спортчылар, сәясәтчеләр һәм шоу-бизнес йолдызлары кулыннан кыйммәтле бүләкләр һәм кубоклар алды.
Бүләкләү тантанасында алты тапкыр дөнья чемпионы Бувайсар Сайтиев, Олимпия уеннары чемпионы Татьяна Лебедева, Русиянең атказанган спорт мастеры, биш тапкыр Паралимпия уеннары чемпионы Андрей Строкин, Башкортстан Хөкүмәте вице-премьеры Ирек Сәгыйтов, төбәк һәм федераль дәрәҗәдәге министрлар, депутатлар һәм башкалар катнашты.
- Узган ел пандемия аркасында тантананы уздырмадык. 2020 елда җиңгән номинантларны без бүген бүләкләдек. Бу кешеләр үз пьедесталларын түземле көттеләр, шуңа күрә алар икеләтә үзләрен яхшы яктан күрсәтте, - диде Дәүләт думасы депутаты, чараны оештыручы Рима Баталова.
Үз чыгышлары белән кунакларны Элвин Грей, Зәйнетдин, Айдар Галимов һәм Башкортстан эстрадасының башка артистлары шатландырды.
Җиде ел эчендә премияне тапшыру безнең республика өчен әһәмиятле вакыйга булды. Бу чара инвалидлар проблемаларына битараф булмаган барлык кешеләрне берләштерә.
Фото: Башкортстан Хөкүмәте сайтыннан.
