Барлык яңалыклар

Дүртөйле күркәмләнә

Биредәге В. И. Ленин исемендәге мәйдан һәм элекке сыра заводы территориясендә халык өчен ял итү, спорт белән шөгльләнү һәм башка файдалы гамәлләр өчен җәмәгать урыннары төзелә.

Биредәге В. И. Ленин исемендәге мәйдан һәм элекке сыра заводы территориясендә халык өчен ял итү, спорт белән шөгльләнү һәм башка файдалы гамәлләр өчен җәмәгать урыннары төзелә.

Әлеге урынны яңарту шәһәрнең "Торак һәм шәһәр мохите" гомумдәүләт проекты кысаларында кече шәһәрләрдә һәм тарихи җирлекләрдә уңайлы шәһәр мохитен булдыру буенча иң яхшы проектларның Бөтенрусия конкурсында җиңүе нәтиҗәсендә мөмкин булды.

Тарихи һәм заманча үзәк бер киңлектә тоташа: элекке сыра заводы яшьләр активлыгы һәм проектлар инкубаторы өчен формаль булмаган мәйданчык булачак. Ә Ленин мәйданы рәсми рәвештә хакимият һәм шәһәр халкы арасында гына түгел, ә буыннар арасында да ачык диалог урынына әвереләчәк. Ике яңа шәһәр зонасы төп урам буйлап яшел променад белән тоташтырылган.

Ике ноктада да ябулы павильоннар барлыкка килде, анда концертлар, спорт дәресләре, лекцияләр, күргәзмәләр оештырылачак. Модульле киңлек бер үк вакытта берничә чара үткәрергә мөмкинлек бирәчәк.

Сыра заводы территориясендә җәмәгатьчелек, репетицияләр һәм агарту программалары өчен ачык сәхнә барлыкка килде. Сыра заводы бинасы якын киләчәктә мәдәни киңлеккә әвереләчәк, ә объектның дивары стрит-арт рәссамнары өчен иҗат зонасы булачак. Биредә заманча скейт-парк та урнашкан.

Июнь ахырында, Яшьләр көнендә, җәмәгать киңлекләрен ачу шәһәр өчен чын бәйрәм булачак.

Фото: Дүртөйле районы хакимияте сайтыннан.