Краснокама районында "ашыгыч ярдәм" машинасы җәяүлене бәрдергән.
Бүген кичке сигезенче сәгатьтә Ашыт - Агыйдел автомобиль юлының 3нче чакрымында чакыруга китеп барган "Ашыгыч ярдәм" машинасы билгесез җәяүлене бәрдерә. Якынча 40 яшьләрдәге ир һәлак була. Бу хакта Башкортстанның баш автоинспекторы Владимир Севастьянов хәбәр итте.
Ашыгыч ярдәм Мажар авылына чакыруга китеп барган. Машина йөртүче сүзләренчә, ир яктыртылмаган юлга кинәт йөгереп чыккан.
Чакыруга башка медицина ярдәме бригадасы җибәрелгән. Юл-транспорт һәлакәтенең детальләре аныклана.
Фото: башинформ