Инвалид хатын гаражда җан асрый

Ә гомере менә-менә өзелергә мөмкин.

Мәләвездә яшәүче Рәсилә Әхмәтова шәһәрдә торак алырга дәгъва итә, әмма аңа аны авылда, балалар бакчасы урнашкан бинада бирәләр. Биредәге яшәү шартлары 2нче төркем инвалиды өчен ярарлык түгел.

Рәсилә Әхмәтова идиоптик тромбоцитопеник пурпурадан җәфа чигә (ИТП). Бу авыру кешене эчтән үтерә, шул ук вакытта пациент тыштан әйбәт күренә. Әмма теләсә кайсы вакытта каны ага башларга мөмкин. Кан туклану өчен җавап бирүче тромбоцитлар җитмәү сәбәпле, аны туктатып булмаячак.

Хәер, салкын гаражда хәтта сәламәт кешегә дә яшәү мөмкин түгел. Хатын гаражда төн куна, кайчагында туганнары яки танышлары аны янына кертә.

"Өченче ел гаражда яшим. Салкынайтса, дуслар чакыра. Әмма аларга еш бармаска тырышам. Торак алырга акчам юк, барысы да даруларга китә", - ди Рәсилә.

Аңа дарулар бирелә, уколларны Мәләвездә кадыйлар, шуңа да ул биредән китә алмый. Ул урындагы хакимияткә аз керемле кеше буларак мөрәҗәгать иткән, инвалидлык турында белешмә биргән.

Аңа шушы ук районның Сәет авылында торак биргәннәр. Бу бүлмә кайчандыр балалар бакчасының бер өлеше булган. Әмма монда тиешле медицина ярдәме күрсәтергә шартлар юк, торакны рәсми теркәп тә булмый.

Үлемечле чиргә тарыган хатын ярдәм көтә.

Фото: "БСТ"