+14 °С
Ачык
Гәзиткә язылуVKOKTelegramЯRus
Барлык яңалыклар
Әдәбият
21 октябрь 2014, 22:09

Якты рухы кайтты

Бүздәк районының 85 елга якын тарихында беренче дәрәҗәдәге җитәкчеләрдән өч дистәгә якын кеше мәгълүм. Алар арасында игелекле гамәлләре һәм матур эшләре белән халык хәтерендә якты эз калдырганнар да бар. 46 яшендә вафат булган Ренат Шәрипов шундыйлар исәбендә.

Аның һөнәри эшчәнле­ге һәм тормышы тулысынча туган төбәге белән бәйле. Башкортстан педагогия институтын тәмам­лагач, мәктәптә укыта, комсомол һәм партия органнарында эшли, район хаки­миятенә җитәкчелек итә, Дәүләт җыелышы депутаты була. 2003 елның 1 мартында аяусыз үлем аны арабыздан тартып алды.
Элекке җитәкчене әле дә онытмыйлар. Сабай авылы мәк­тәбендә үткән чара моны янә раслады. Ул укыган мәктәпкә 2006 елда Ренат Шәрипов исеме бирелгән иде. Биредә аның тормышы һәм эшчәнлегенә багышланган махсус почмак булдырылган. Күптән түгел мәктәп музее янә бер экспонат — Ренат Шәри­повның портреты белән тулыланды. Аны якташы, Башкорт­станның атказанган рәссамы, Татар­стан­ның атказанган сәнгать эшлеклесе Вәкил Шәйхет­динов иҗат иткән.
Портретны мәктәп коллективына тапшыру тантанасында Ренат Шәри­повның әнисе, озак еллар биредә балаларга белем биргән Зөһрә Хәсән кызы, элекке район хакимияте башлыгының дуслары һәм хезмәттәшләре катнашты.
— Ренатның портретын аның белән очрашулар вакытында туган тәэссо­рат­ларны искә төшереп һәм дуслары истәле­к­ләреннән чыгып яздым, — ди рәссам. — Дөнья­лыкта ул бик тә ачык, мөлаем кеше иде. Шуңа да картина бер тында язылды.
Зөһрә апа һәм чарада катнашучылар Ренат Шә­риповка, район һәм мәктәп тормышына бәйле истә­лекләре белән уртаклашты, укучыларны иле­безнең лаеклы гражданнары булып үсәргә өндәде. Портреты бе­лән туган мәк­тәбенә Ренат Шәрипов­ның якты рухы да кайткан кебек тоелды.
Читайте нас в