Язучы “уңыш бәйрәме” уздырды

Узган Әдәбият елы күренекле язучы, сатира-юмор остасы Марсель Сәлимов өчен бик нәтиҗәле булган. Ул бер елда дүрт китабын нәшер итүгә ирешкән. Аларның исем туйлары Мәскәү, Сочи, Ялта, Габрово һәм Софиядә үткән иде инде. Ниһаять, “Башинформ” мәгълүмат агентлыгының конференц-холлында да аның Мәскәүдә һәм Уфада нәшер ителгән “Миссия той пассии”, “От смешного до великого”, “Камушек с дыркой” һәм “Заманына күрә көлкөһө” дигән китапларын тәкъдим итү чарасы узды. Анда билгеле галимнәр, журналистлар, әдипнең каләмдәшләре һәм иҗатын яратучылар катнашты. Сәхнәдә әдип китапларының күргәзмәсе оештырылды.

“Башинформ” мәгълүмат агентлыгының баш мөхәррире урынбасары, билгеле журналист Алик Шакиров, чараны ачып, Марсель Сәлимовның иҗаты һәм казанышлары турында сөйләгәннән соң, сүзне автор дәвам итте. Ул һәр чыккан китапның басылу тарихы, мөхәррирләре, аларны тәкъдим итү чаралары турында сөйләде, шигырьләрен, юморескаларын укып ишеттерде. Урысча чыккан китапларның тәрҗемәчеләрен атады, аларга рәхмәт белдерде.

Чарада сатира-юмор остасының шигырьләрен тәрҗемә иткән профессор Марат Ямалов, шагыйрь Сергей Янаки да катнашты һәм чыгыш ясады. Алар авторга рәхмәт сүзләре белдерде, тәрҗемә иткән кайбер әсәрләрне укып ишеттерде.

Зәйнәп Биишева исемендәге “Китап” нәшрияты директоры Илһам Җандәүләтов Марсель Сәлимов китапларының киштәләрдә тузан җыеп ятмыйча, бик тиз таралуын билгеләде. “Заманына күрә көлкөһө” китабына исем кушуда үзенең дә өлеше булуын билгеләде.

Сукырлар өчен махсус китапханә директоры Айгөл Әминева авторга яңа гына “табадан төшкән” Брайль шрифты белән басылган “Заманына күрә көлкөһө” китабын һәм аудиокитап бүләк итте. Чарада, шулай ук, Риза Магазов, Камил Әхияров, Гарифулла Яппаров, Марат Абдуллин, Сабир Җиһаншин, Энгель Зәйнетдинов, Ринат Камал, Ләлә Биишева да чыгыш ясады. Чарада, Марсель Сәлимгә совет офицерлары берлеге әгъзалыгы таныклыгы һәм “Җиңүнең 70 еллыгы” дигән истәлекле медаль дә тапшырылды.

Чара ахырында Марсель Сәлимов автограф белән китапларын бүләк итте. Язучы киләчәктә дә сатира-юмор фронтында ал-ял белми хезмәт итәргә ышандырды.

Читайте нас:

Теркәлү саны: 2019 елның 24 маендагы Эл сериясе № ФС 77-75682.

Басманың яшь категориясе 12+

___________________

Сетевое издание «KizilTan» зарегистрировано Федеральной службой по надзору в сфере связи, информационных технологий и массовых коммуникаций (РОСКОМНАДЗОР)

Регистрационный номер: серия Эл № ФС 77-75682 от 24 мая 2019 г.

Возрастная категория издания 12+

Гамәлгә куючылары: Башкортстан Республикасы Матбугат һәм киңкүләм мәгълүмат чаралары агентлыгы, Башкортстан Республикасының “Республика Башкортостан” Нәшрият йорты дәүләт унитар предприятиесе.

____________________

УЧРЕДИТЕЛИ: Агентство по печати и средствам массовой информации Республики Башкортостан, Государственное унитарное предприятие Республики Башкортостан Издательский дом «Республика Башкортостан».

Баш мөхәррир Фаил Камил улы Фәтхетдинов.

Кабул итү бүлмәсе телефоны: 8 (347) 272-13-61.

___________________

Главный редактор: Фатхтдинов Фаил Камилович.

Телефон приемной: (347) 272-13-61.

Телефон

8(347)272-13-61

Электрон почта

kyzyltan@mail.ru

Адресы

450079, Уфа шәһәре, Октябрьнең 50 еллыгы урамы, 13 нче йорт

Реклама хезмәте

8(347)272-62-27

Хезмәттәшлек

8(347)272-62-27