Фестиваль флагы Казанга тапшырылды

Бөтенрусия әдәби проекты­ның авторы — Евразия халыклары ассамб­лея­се­нең Әдәби советы рәисе, Бө­тен­дөнья язучылар оешмасы рәи­­се, шагыйрь һәм философ Маргарита Аль җитәкчелегендә­ге “ЛИффТ” фес-тивале 2015 ел­-да Кырымда башланды да, Ев­разия халыклары ас­самб­лея­сенең ге­­не­раль-ный секре­таре Андрей Белья­нинов­ның яр­дәме бе­лән дөнья шә­һәр­лә­ре буенча искиткеч юл үтеп, Уфадан Казанга килеп җитте.

Казан фестивалендә катнашучыларны һәм Русиянең күп кенә төбәк­ләреннән килгән кунакларны ЮНЕСКОның Игелекле ихтыяр илчесе Александра Очирова, Русия халыклары ассамблеясе советы рәисе Светлана Смирнова, Татарстанның Язучылар берлеге рәисенең беренче урынбасары Илсөяр Иксанова, республиканың мәдәният һәм иҗтимагый оешмалары вәкилләре сәламләде.

Чараны ачу һәм флаг тапшыру тантанасында сәламләү сүзе белән фестивальнең Ал­тын лауреаты, Башкортстанның халык язучысы Марсель Сәлимов чыгыш ясады. Шигъри сүз, күңелле җырлар һәм милли костюмнарда биюләр белән Казан шәһәре баш­корт­ларының милли-мәдәни автономиясе рәисе, Русиянең һәм Башкортстанның Язучылар бер­лек­ләре әгъзасы, Башкортстанның атказанган мәдәният хезмәткәре, шагыйрә Фирдәвес Бәширова, Бөтенрусия һәм Халыкара конкурслар дипломанты Гөлнара Хәйруллина, Баш­кортстанның атказанган мәдәният хезмәткәре, язучы, галим, крайны өйрәнүче, социология фәннәре кандидаты Ядгарь Бәширов һәм башкалар сәламләде. Зур экранда былтыр Уфада узган фестивальдән фотосурәтләр күрсәтелде.

Фестиваль кысаларында Казанда әдәби оешмалар, китаплар һәм журналлар пре­зен­тацияләре, танылган язучылар һәм шагыйрьләрнең осталык дәресләре узды. Мар. Сәлим уңай юморның Евразия халыкларын ничек берләштерүе турында сөйләде.