«Лиза Алерт Башкортстан» волонтерлары югалган баланы эзләү турында пост бастырды.
Булган мәгълүматларга караганда, 18 декабрьдә 12 яшьлек Ангелина Мостафина мәктәптән кайтканда юкка чыккан.
Билгеләре: буе - 160 см, уртача гәүдәле, коңгырт чәчле, яшел күзле. Ул тезләренә кадәр булган аксыл куртка, кара-зәңгәр итекләр, кара башлык кигән булган. Эзләүгә волонтерлар һәм полиция дә кушылган.
Уфа һәм Башкортстан халкын баланы табарга ярдәм итүләрен сорыйлар. Әгәр сезнең Ангелина турында мәгълүматыгыз булса, волонтерлар 8 800 700 54 52 телефоны аша хәбәр итүне сорый. Бала язмышына битараф калмагыз!