+11 °С
Яңгыр
Гәзиткә язылуVKOKTelegram
Барлык яңалыклар
Дөнья бу...
15 февраль 2021, 14:40

"Бездә икешәр бала үлә..."

Башкортстанда ел башыннан бирле үлемгә китергән янгыннар саны арту күзәтелә – узган елның шул ук чоры белән чагыштырганда, өч очракка күбрәк.

Башкортстанда ел башыннан бирле үлемгә китергән янгыннар саны арту күзәтелә – узган елның шул ук чоры белән чагыштырганда, өч очракка күбрәк.

Бу хакта оператив киңәшмәдә Гадәттән тыш хәлләр буенча дәүләт комитеты рәисе Фәрит Гомәров белдерде. "Без минуска чыгу өчен барысын да эшлибез", — диде ул.

Башкортстан Башлыгы Радий Хәбиров килеп туган хәлдән чыгу буенча тәкъдимнәр әзерләргә, шулай ук янгыннарда кешеләрнең һәлак булуы буенча «начар» тенденциягә тулы анализ тәкъдим ителергә тиешле киңәшмә җыярга кушты.

"Мин бер ай көттем, сезне җәфаламадым. Мин аңлыйм, сез офицер, сезгә җиңелүегез турында сөйләргә уңайсыз. Әгәр сезгә минем ярдәм кирәк икән — әйтегез. Әйдәгез, җыелыйк, барлык хезмәтләр, муниципалитет башлыкларын җыйыйк. Кайчан булса да янудан туктарбызмы? Узган елдан бирле әйтеп киләм. Нәрсә үзгәрде?

Аңлыйм, көннәр салкын, ягалар. Әмма мин авыл биләмәләре башлыкларына имин булмаган гаиләләрне табарга куштым. Бездә атнасына икешәр бала үлә. Сез инде бу мәсьәлә буенча алдынгылыкка чыгасыз. Без аны ничек хәл итәчәкбез? Без быел Актив озын гомерлелек һәм халыкны саклау елы дип килештек. Әгәр атна саен шулкадәр кеше янып үлә икән, без нәрсәне сакларбыз соң? — диде Радий Хәбиров. — Әгәр мин нәрсә дә булса күрәм икән, төзәтү өчен һәрчак сәбәпне эзлим. Мин вакыйгалар уңаеннан бармыйм, ә сез барасыз. Мин сезне хөрмәтләп, ай ярым түздем".

Элегрәк хәбәр итүебезчә, узган атнада Мәләвез районының Җиргән авылындагы торак йортта янгында биш яшьлек ике малай һәлак булды. Аларның әниләре, олы уллары һәм әбиләре коткарылды. Башкортстанның Тикшерү комитеты җинаять эше кузгаткан.

Фото: Башинформ
Читайте нас: