-21 °С
Болытлы
Гәзиткә язылуVKOKTelegram
Барлык яңалыклар
Дөнья бу...
25 июнь 2021, 12:05

"Конечно, ире бай бит аның..."

Данир Сабировның гаиләсен янә тәнкыйть утына тотканнар.

Данир Сабировның гаиләсен янә тәнкыйть утына тотканнар.

Аның әнисенең туган көне булган. Данирның әнисен кадерләве ошамаганмы әллә кешеләргә? Данир үзе начар пост язучыларга мондыйрак җавап биргән:

"Кичә әнине котлап куйган пост астында нәрсә генә язмаганнар?! Хейтерларга бер сүз ошамаган - АНИМАТОРЛАР. "Сез байлар гына аларны чакырта аласыз, ярлы авыл халкына кайда инде?" - дип язганнар.

Ялгышмасам, антиматор балаларның күңелен ачкан өчен сәгатенә 2-2.5 мең сум ала. Елына бер чакыртырга ярыйдыр бит. Авылдан-шәһәрдән тормый, мин беләм шундый авыл кешеләрен: 300-400 мең сумлык гонорарлы артистларны үзләренең юбилейларына чакырталар! Күз алдына китерәсезме?!
Бар нәрсә дә кешенең үзеннән тора! Тырышканга кайда яшәү мөһим түгел. Ә менә диванда кеше чәйнәп ятучының гомере шулай яткан килеш уза да китә. Җәл. Тормыш яхшы якка үзгәрсен дип, бер кечкенә генә адым ясап карагыз әле. Иртәгә - тагы бер адым...

Аннары, шул ук хейтерлар Миләүшәгә: "Конечно, ире бай бит аның. Байга кияүгә чыктың да", - дип язалар. Ул бичарама маникюрга да, массажга да йөрергә ярамый. Беләсезме: Миләүшә белән без өйләнешкәндә минем фатирым да, танылган исемем дә юк иде. Мин студент идем. Матур тормышта яшәргә теләге булган гап-гади студент идем. Әле Миләүшәгә кунакка килгәндә табыннарына да шаккатып карый идем: урамда кыш, ә алар кыяр-помидор ашый. Минем өчен хәтта шул күренеш гадәти түгел иде.
Тулай торакта үскәнемне беләсез. Әти-әнием гади эшчеләр икәне дә сезгә мәгълүм. Артымнан төртүче дә, зур акчалар бирүче дә булмады. Бүген мин үземне әллә нинди бай дип санамыйм, булганына шөкер. Әмма нәрсәбез бар - ул Миләүшә белән бергәләп җыйган малыбыз. Без бүгенге көнгә бергәләп килдек!
Кулыбыздан килгәнчә: балаларны да сөендерәбез, ялына да йөрибез, әти-әнине дә онытмыйбыз. Безгә начар сүз язып, вакытыгызны әрәм итмәгез..."

Фото: wur889.technolog.spb.ru


Читайте нас в