+19 °С
Болытлы
Гәзиткә язылуVKOKTelegramЯRus
Барлык яңалыклар
Дөнья бу...
25 август 2021, 10:54

"Балам исерек водитель аркасында инвалид булып калды..."

Интернет челтәрендә 35 яшьлек хатын-кыз җан тетрәткеч язма бастырган.

"Балам исерек водитель аркасында инвалид булып калды..."
"Балам исерек водитель аркасында инвалид булып калды..."
"5 ел элек Сочига ял итәргә барганда коточкыч юл-транспорт һәлакәтенә очрадык. Машинада ирем һәм ике балам бар иде. Барыбыз да төрле дәрәҗәдәге җәрәхәтләр алдык.

Кызганычка каршы, 4 яшьлек баламның умыртка баганасы сынды һәм ул гомерлеккә инвалид булып калды. Ә кем аркасында ул инвалид булып калды? Безгә бәрелгән машина аркасында. Җитмәсә, водителе исерек тә булган.

Менә уйлап карагыз, исерек водительне 6 елга төрмәгә утырттылар, ә минем балам гомерлеккә инвалид булып калды. Кая монда гаделлек!?

Балам әлеге вакытта ни булганын аңлап та бетерми. Көн дә диярлек миннән сорый: "Ни өчен мин йөри алмыйм", - ди. Ә мин аңлатып бирә алмыйм.

Ходай сабырлык бирсен иде", - дип язган ул.

Фото: pixabai.com

 

Автор:Ример Насретдинов
Читайте нас в