-9 °С
Болытлы
Гәзиткә язылуVKOKTikTokINSTAGRAM
Барлык яңалыклар
Дөнья бу...
27 август 2021, 09:45

Табылды. Үлгән...

Быел 20 июльдә югалган 31 яшьлек Екатерина Николаеваны эзләү фаҗига белән тәмамланды.

Табылды. Үлгән...
Республиканың Бөре районы Калинники авылында яшәүче ханым үзәк район дәваханәсеннән чыгып китеп, туганнары белән элемтәгә керүдән туктый. Яшь хатынны эзләүгә полицейскийлар һәм "Лиза Алерт" эзтабарлар отряды волонтерлары да кушылды.

Шул ук вакытта Екатеринаның туганнары аны үз көчләре белән эзләгән һәм социаль челтәрләрдә аңа ориентирларны тараткан. Хәбәрләрнең берсендә хатынның сумкасын Бөре районының Үгез авылыннан ерак түгел урманда табып алалар, диелгән.

26 августта "Лиза Алерт" волонтерлары социаль челтәрләрдә Екатерина Николаеваны таптык, дип хәбәр иттеләр. Кызганычка каршы, хатын үлгән. Эзтабарлар үлемнең сәбәпләре турында, үзләренең эчке кагыйдәләренә сылтанып, хәбәр итмәгән.

Фото: kp.ru

 

Автор:Резеда Галикәева