Барлык яңалыклар
Дөнья бу...
19 ноябрь , 14:30

Казанда агуланган кызларның берсе үлгән

Казан дәваханәсендә Башкортстанда яшәгән 20 яшьлек Анастасия Прокудина вафат булган.

Казанда агуланган кызларның берсе үлгән
Бу хакта һәлак булганнарның туганнары хәбәр иткән. Татарстан Сәламәтлек саклау министрлыгында да кызны коткарып калып булмавын раслыйлар.

- Кызганычка каршы, бу көннәрдә табибларның бөтен тырышлыгына карамастан, бер пациентканы коткарып калып булмады. Татарстан Республикасы Сәламәтлек саклау министрлыгы һәм шәхсән министр исеменнән кайгыгызны уртаклашабыз, - дип хәбәр итәләр ведомствоның матбугат хезмәтендә.

Калган зыян күрүчеләр, Сәламәтлек саклау министрлыгы мәгълүматлары буенча, тотрыклы хәлдә.

Искәртеп узабыз, фаҗига 16 ноябрьдә булган иде. Башкортстанда туып-үскән 11 студент дәваханәгә метанол белән агуланып эләккән. Ул көнне балалар дусларының берсе - Александр Поярковның туган көнен билгеләп үткән. Өчесенең, шул исәптән Анастасия Прокудинаның хәле авыр дип бәяләнгән.

Татарстан Тикшерү комитеты җинаять эше кузгатты.

Фото:  bash.news

 

Автор:Резеда Галикәева