Хәмер тезләндергән...

Күп кенә актрисаларның каты эчемлекләргә һәвәслеге лаеклы булмаган ир-егетләргә карата тойгылардан һәм җа­вапсыз мәхәббәттән башлана. Үз проблемаларыңны тану бөтен кешенең дә көченнән килми, хәмердән баш тарту һәм үз-үзеңне кулга алу — тагын да катлаулырак.

Алкоголь бөтенләй яшь чагында Татьяна Догиле­ваның тормышының бер өлешенә әверелә. Актриса үзе­­нең хәмергә тартылуын оялуын җиңәргә теләве белән аклаган һәм озак вакытлар бу проблеманы кире каккан. Яман гадәт актрисаны шулкадәр упкынга тарта ки, Татьяна чираттагы туган көнен психиатрия клиникасында каршылый. Бары тик якыннарының ярдәме һәм кызының тырышлыгы белән генә актриса алкогольгә булган һәвәслекне җиңә алган.

Танылган актриса Екатерина Васильева гомер буе алкогольле эчемлекләр белән дус булган. Үз өстеннән контрольне югалтып, ул иренә хыянәт итә башлый, анысы мондый хәлгә түзә алмый һәм аерылышырга карар кыла. Икенче ире хәтта хатынының яман гадәтләренә каршы көрәшеп тә карамый, ул артистканың бәласендә әтисеннән килгән геннарны гаепли. Табиблар гадәтне җиңәргә ярдәм итә алмый, һәм актриса котылу чарасын диндә генә таба ала. Соңгы елларда ул гыйба­дәтханәдә эшли.

Әлеге актрисалардан тыш, хәмер тагын бик күп сәх­нә йолдызларын тезләндергән. Алар арасында Елена Корикова, Ирина Цывина, Елена Перова һәм башкалар бар.