Үзенең дә бераз гаебе бар инде...

Бөре районара суды Мишкә районында яшәүче 41 яшьлек кешегә карата җинаять эшен тикшергән. Ир кеше сәламәтлеккә уртача авырлыктагы зыян китерүдә гаепләнә.

Суд матбугат хезмәте мәгълүматлары буенча, быел майда ир йорт ишегалдында тавыш чыгара, чөнки хатыны исерек була. Сүз дәлилләре тәмамлангач, ир кул астына эләккән беренче әйберне эләктереп ала, ә ул җирдә яткан агач була, һәм хатынны кыйный башлый. Зыян күрүче табибларга мөрәҗәгать иткән, алары тән җәрәхәтләрен диагнозлаган.

Суд утырышында зыян күрүче килешүгә бәйле рәвештә хөкем ителүчегә карата җинаять эшен туктатуны сораган. Ул иренең гафу үтенүен, аны хәстәрләвен, җинаять китергән зыянны каплатуын, аларның никахта торуларын, уртак хуҗалык алып баруларын, балаларын тәрбияләүләрен, аңа карата дәгъвалары булмавын белдерә.

«Зыян күрүченең позициясен, гаепләнүченең фикерен, җинаятьтә үкенүен, аларның кечкенә өч балалары һәм балигъ булмаган
бер баласы булуын, Чечняда хәрби хәрәкәтләрдә катнашуын исәпкә алып, суд хөкем ителүчегә карата җинаять эшен туктатты», - дип хәбәр иттеләр судта.

Ирне, якларның татулашуы сәбәпле, җинаять җаваплылыгыннан азат иткәннәр. Суд карары законлы көченә кергән.

Фото: башинформ