Кичерә белгәннәргә бәхет елмая

Шушы районда яшәүче хатын Виктория Иванованың улы туа, ә ике көннән соң палатадагы күршесе аны бала тудыру йортының тәрәзәсеннән ыргыта. Хатын бу хәлне бик авыр кичерә. Ул бала белән бәйле һәр датаны авырлык белән кабул итә, социаль челтәрләрдә үлгән сабыйга язмалар багышлый.

Ел ярымнан соң Виктория мөһим яңалыгы белән уртаклашкан. "Шулай да, яхшы хәбәр белән уртаклашырга вакыт җитте дип уйлыйм», — дип язган ул шәхси блогында фото астында, анда аның авырлы икәнлеге күренә.

Абонентлар аның өчен шатланган. Хәзер Виктория тормышындагы иң куркыныч вакыйга турында сирәк сөйли. Кечкенә улын югалткач, ул аның үтерүчесен кичерергә карар итә: «Без ачу сакламыйбыз һәм барысын да кичерәбез: бала тудыру йортын да, табибларны да, минем белән реанимациядә яткан акылдан шашкан хатынны да. Без аны судка бирмәячәкбез", - диде ул.

Исегезгә төшерәбез, коточкыч очрак 16 августта Стәрлетамак шәһәренең 1нче бала тудыру йортында булды. Элек психоневрология диспансерында күзәтелгән 29 яшьлек бала табучы хатын икенче хатынның яңа туган баласын өченче кат тәрәзәсеннән ыргыта. Сабый алган җәрәхәтләрдән вафат була. Баланы үтерүдә гаепләнүче психоневрологик диспансерда «депрессия» диагнозы белән күзәтү астында булган.

Һәм менә Виктория зур шатлыгы белән уртаклаша. Кичерә белгәннәргә бәхет елмая шул. 

фото: социаль челтәрләр