Бөре янында булган коточкыч юл-транспорт һәлакәтендә яшь егет белән кызның үлүе турында язган идек инде. Аларның дуслары белдерүенчә, авариядә яшь гашыйк пар һәлак булган: Балтач районыннан 22 яшьлек Рәдим һәм Янавылдан 18 яшьлек Рузанна.
Бу пар күптән очрашып йөргән. Тиздән алар туй ясарга теләгән дә булган.
"Бер-берсен яраттылар, өйләнешергә хыялландылар, әмма бергә үлделәр. Менә ул язмыш", - дип язган Интернет челтәрендә аларның дусты Лилия.
"Юл - хаталарны кичерми", дип юкка гына әйтмиләр. Юлларда сак булыгыз, дуслар...
Фото: "Башинформ" агентлыгы