+22 °С
Яңгыр
Дөнья бу...
13 февраль 2024, 15:25
"Безнең Диананы гаепли..."
Әнвәр Нургалиев җан әрнүе белән уртаклашкан.
"Безнең Диананы гаепли..."
Әнвәр Нургалиев фаҗигадә һәлак булган сеңлесе Диананың балаларына гастрольләрдә тамашачылары һәм мәрхүмәнең дуслары биргән бүләкләрне китергән. «Бүләкләрнең саны юк, машинага көчкә сыйдырдым», – ди җырчы.
Балалар бу бүләкләргә чиксез куанып, аларны җибәрүчеләргә рәхмәт әйтә.
«Балалар бик сагындырган. Исән-саулар, үскәннәр инде. Апа белән җизни дә әйбәт. Сезгә күчтәнәчләр, сәдакалар өчен чиксез рәхмәт, барысын да тапшырдык», – дип язган җырчы.
«Суд әле дә тәмамланмады. 2 айдан 1 ел була инде, гаепләнүче 3 адвокат алмаштырды. Бу вакыт аралыгында гаепләнүче һәм аның туганнарының берсе дә балалар язмышы белән кызыксынмады, ярдәм турында әйтмим дә. Бу эштә иң сәере – ул хәзер баштагы күрсәтмәләреннән баш тарта һәм үз гаебен тулысынча танымый, безнең Диананы гаепли», – дип ачыргалана Әнвәр.
