+21 °С
Болытлы
Дөнья бу...
21 апрель 2024, 06:45
Тасма телләргә ышанмагыз, кызлар!
Әнә бер ханым шул сәбәпле 6 миллион сумын югалткан.
Тасма телләргә ышанмагыз, кызлар!
Башкортстанда яшәүче хатын «никах аферисты»ның тозагына эләккән һәм аңа 6 млн сум акчасын күчергән.
Романтик мөнәсәбәтләр төзергә теләгән, ә нәтиҗәдә алдану турында җинаять эше буенча зыян күргән 30 яшьлек хатын-кызның тарихы турында Башкортстан буенча Эчке эшләр министрлыгының матбугат хезмәтендә сөйләделәр. Бу хәл, еш шулай булганча, социаль челтәрләрдә танышудан башланган.
Март башында хатынга бер ир-егет язган, ул ачыктан-ачык дуслашырга тәкъдим ясаган. Бернәрсә дә белмәгән ханым аның белән хат языша башлаган. Егет башка төбәктә яшәвен, әмма еш кына төрле илләрдә сәяхәт итүен сөйләгән. Ул инвестицияләр белән шөгыльләнә һәм мул тормышта яши икән.
Бервакыт аралашу башка дәрәҗәгә күчә: егет хатынга курьер аша чәчәкләр җибәрә башлый, ә танышканнан соң бер ай үткәч, очрашырга тәкъдим итә. Дөрес, моның өчен аның янына килергә кирәк, ә ханымның мөмкинлеге булмый. Шуннан соң аферист аңа акча инвестицияләргә, тагын да күбрәк акча эшләргә һәм сәяхәткә чыгарга тәкъдим итә.
- Әлеге егет белән озак көтелгән очрашу турында хыялланып, ханым кредитка 6 миллион сумга якын акча алган. Бу бәндә аларны үзе күрсәткән номерларга күчерергә сораган. Зур сумма алгач, ул шунда ук юкка чыккан, - дип хәбәр итәләр министрлыкта.
Мошенникның корбаны булуын аңлап, хатын полициягә гариза язган. "Никах аферистын" эзлиләр, җинаять эше кузгатылган.
Фото: башинформ
Романтик мөнәсәбәтләр төзергә теләгән, ә нәтиҗәдә алдану турында җинаять эше буенча зыян күргән 30 яшьлек хатын-кызның тарихы турында Башкортстан буенча Эчке эшләр министрлыгының матбугат хезмәтендә сөйләделәр. Бу хәл, еш шулай булганча, социаль челтәрләрдә танышудан башланган.
Март башында хатынга бер ир-егет язган, ул ачыктан-ачык дуслашырга тәкъдим ясаган. Бернәрсә дә белмәгән ханым аның белән хат языша башлаган. Егет башка төбәктә яшәвен, әмма еш кына төрле илләрдә сәяхәт итүен сөйләгән. Ул инвестицияләр белән шөгыльләнә һәм мул тормышта яши икән.
Бервакыт аралашу башка дәрәҗәгә күчә: егет хатынга курьер аша чәчәкләр җибәрә башлый, ә танышканнан соң бер ай үткәч, очрашырга тәкъдим итә. Дөрес, моның өчен аның янына килергә кирәк, ә ханымның мөмкинлеге булмый. Шуннан соң аферист аңа акча инвестицияләргә, тагын да күбрәк акча эшләргә һәм сәяхәткә чыгарга тәкъдим итә.
- Әлеге егет белән озак көтелгән очрашу турында хыялланып, ханым кредитка 6 миллион сумга якын акча алган. Бу бәндә аларны үзе күрсәткән номерларга күчерергә сораган. Зур сумма алгач, ул шунда ук юкка чыккан, - дип хәбәр итәләр министрлыкта.
Мошенникның корбаны булуын аңлап, хатын полициягә гариза язган. "Никах аферистын" эзлиләр, җинаять эше кузгатылган.
Фото: башинформ
