Күзәтү камераларыннан күренүенчә, 25 гыйнварда 04:45 сәгатьтә бүреләр азык эзләп урамнар буйлап йөргән. Әгәр видео булмаса, ерактан аларны этләр дип тә уйларга мөмкин.
Инҗәр авылында яшәүче бер хатынның үзенең үлгән кәҗәләрен күреп коты алынган. Аның сүзләренә караганда, бүреләр бернәрсә дә калдырмаган һәм барысын да ашап бетергәннәр.
"Ходаем, бу ни хәл? Ничек инде шулай? Бер әтәч, бер тавык кына калган. Башка бернәрсә дә юк", - ди ул видеода.
Элегрәк Межгорье шәһәрендә дә бүреләр йөргән иде.
Фото: "Вести-Башкортостан"