Капиталь ремонт капитал туплау булмасмы?

— Кайбер йортлар һаман да узган гасырның 50нче елларындагы мәгълүматлар буен­ча теркәлгән, — диде рес­­публиканың торак-коммуналь хуҗалыгы министры урынбасары Альфред Зиннә-туллин. — Билгеле, алтмыш елда фатирларның гомум торышы җитди үзгәрешләр ки-чергән. Шуңа, эшкә то­­тын­­ганчы, республика торак фондының гомум торышын анализларга кирәк булды. Шу-шы максат белән сентябрьдә квитанцияләр таратылды. То-рак хуҗалары андагы мәгъ-лүматларны тикшереп, дө­рес­ли алды. Шул мәгъ-лүматларга нигезләнеп, октя-брьдә капиталь ремонтка та­ләп ителгән төгәл бәясе язылган квитанцияләр килә-чәк.
Фатир хуҗалары капиталь ремонт өчен сентябрьдә генә акча түли башлады. Моңа карамастан, мөһим эшкә старт бирелгән.
— Капиталь ремонтлау башланды, — диде “Башкортстан Республикасының төбәк операторы” фондының генеральный директоры Борис Герасимов. — Әлегә эшләр федераль бюджет, муниципаль берәмлекләр һәм республика исәбенә башкарыла. 530 миллион сумга якын акча тотыла. Октябрь башыннан төзекләндерү эшләре торак хуҗаларыннан җыелган акчалар исәбенә башкарыла.
Бүген Башкортстанда унҗиде меңгә якын күпкатлы йорт исәпләнә. Шуларның 430ы гына акчаларын махсус исәпкә туплаячак. Калганнары “Башкортстан Республикасы-ның төбәк операторы” белән хезмәттәшлек итәчәк. Тикше-релгән 30 процент йортлар-ның биш проценты гына ашыгыч төзекләндерү таләп итә.
Капиталь ремонт ничек башкарылачак? Мисалга игътибар итик. Биш катлы, 80 фатирлы йортта яшәүчеләр моның өчен ун елда ике миллион сумга якын акча туплый ала. Мәгълүм булуынча, алтынчы катка кадәр яшәүчеләр 1 квадрат метр өчен ай саен — 5 сум 20 тиен, алтынчы каттан югарырак яшәүчеләр 5 сум 80 тиен түли. Мондый йортта сантехниканы төзек­ләндерү өчен 1,5 миллион сум таләп ителә. Аң­лашыла, беркем дә капиталь ремонтны ун ел көтәргә телә­мәячәк. Бак­саң, фатир хуҗа­лары бу максатка тизрәк ире­шә ала икән. Моның өчен капиталь ремонт өчен акчаны артыграк түләргә кирәк. Әйтик, 5 сум 20 тиен урынына — 10 сум 20 тиен. Әлбәттә, мондый карарга торак хуҗалары җыелышып, бергәләшеп килергә тиеш. Шуннан соң тәкъдим белән “Башкортстан Респуб­ли­касының төбәк опера­торы”­на мөрәҗәгать итәсе генә ка­ла. Тиешле күләмдә акча җыелып бетү белән бу йортта төзек­ләндерү эшләре башланачак.
Торак хуҗаларының ай-лык түләүләреннән бер елда 2-2,5 миллиард сум туплау планлаштырыла. Киләсе елда Торак-коммуналь хуҗалыкны үзгәртеп коруга булышлык фонды Башкортстанга 112 миллион сум бүләчәк. Капиталь ремонт вакытында йорт-ларның тышкы ягы, түбәсе, подвал бүлмәләре, лифт җи-һазлары, электр, җылылык, газ челтәрләре һәм су тәэми-наты төзекләндереләчәк.
Фатир хуҗаларыннан җы-елган акча максатлы тоты­лыр­­мы? Матбугат кон­­ферен­циясенә килгән җи-тәкчеләр тупланган акчаның тиененә кадәр фатир хуҗа-лары белән киңәшләшеп кенә тотылачагына ышандырды. Шулай да йорт комитетлары­на, торак хуҗалары ширкәт­ләренә, фатир хуҗаларына уяу булырга кирәктер. Зур акчаның биргән вәгъдәләрне оныттыра торган яман гадәте бар.