+17 °С
Яңгыр
Гәзиткә язылуVKOKTelegram
Барлык яңалыклар
Икътисад
10 ноябрь 2016, 02:00

Бер кешегә – 78 мең сум инвестиция!

Республика җитәкчесе муниципаль берәмлекләр алдына шундый максат куйды.Икътисади көрчек ил төбәкләренә бюджеттан тыш чыганаклардан да акча җәлеп итәргә этәргеч бирде. Әлбәттә, сүз инвестицияләр турында бара. Башкортстан илнең бу юнәлешкә җитди игътибар биреп, югары нәтиҗәләргә ирешкән төбәкләренең берсе санала. Хөкүмәт йортында Башкортстан Башлыгы каршындагы Инвестицион мохитне яхшырту буенча иҗтимагый совет утырышы үтте. Аның эшен республика җитәкчесе Рөстәм Хәмитов алып барды.

— Былтыргы белән ча­гыш­тырганда, 2016 елның алты аенда төбәккә ике процентка азрак инвестицияләр җәлеп ителгән, — диде Рөстәм Зәки улы. — Әлбәттә, ел йомгаклары буенча, бу юнәлештә алга куелган максатларга ире­шергә бурычлыбыз. Инвес­ти­цияләр күләме буенча Идел буе федераль округында – икенче, Русиядә — унберенче урындабыз. Апрель-июньдә инвести­цияләр күләме ил дәрәҗәсендә кимеде. Шуңа карамастан, хәлне уңай якка үзгәртү юлларын эзләү мөһим. Инвестор­ның төбәк икътисадына, үсеш перспективаларына карата ышанычын арттыру — уртак бурычыбыз. Аңла­шыла, инвестицион процесс ике яклы. Формаль ягы — административ киртәләр, ашыгыч хәл ителәсе мәсьәләләр. Әхла­кый ягы төбәктәге, террито­риядәге бизнес-мохит белән бәйле. Ике­сенә дә игътибар бүлү зарур.

Әйткәндәй, бүген республикада 662 миллиард сумлык 472 инвестиция проекты га­мәлгә ашырыла. Игътибарны җәлеп итәрдәйләре эре сәнә­гать үзәкләренә туры килә. Уфа — инвестициләр күләме буенча беренче урында. Башкалабызда 191,8 миллиард сумлык нефть эшкәртү, энергия туплау һәм машина төзү комплексы проектлары гамәлгә ашырыла. Икенче урынны химия һәм нефть-химия җитеш-терүе проектларына 136,8 миллиард сум җәлеп иткән Салават шәһәре били. Хәйбулла, Күгәрчен, Уфа районнарында да эре проектлар тормышка ашырыла. Беренче яртыеллыкта республикада төп капиталга инвестицияләр күлә­мен арттыруны 29 территория тәэмин иткән. Бөрҗән, Благовещен, Стәрлебаш, Миякә, Куергазы районнары һәм Күмертау шәһәре аеруча югары күрсәткечләргә ирешкән. Шул ук вакытта, Башкорт­станның 33 районында һәм шәһәрендә инвестиция күрсәт­кечләре кимегән.

Инвестицияләр җәлеп итү өчен төбәктә бизнеска үсешер­гә уңай шартлар тудыру мө-һим. Республиканың Эшкуарлык һәм туризм буенча дәүләт комитеты рәисе Вячеслав Гыйләҗетдинов чыгышы бик күр сораулар тудырды. Статистика мәгълүматлары күр-сәтүенчә, Башкортстан кече бизнес белән шөгыль­ләнү­челәр саны буенча Русиянең 85 төбәге арасында 75нче урынны били. Ягъни, бездә бер мең кешенең 31е генә кече бизнес белән мәшгуль. Рөстәм Хәмитов мондый күрсәткечтән канәгать­сезлек белдерде.

Инвесторлар барасы урыннарда уңайлы эш шартлары, мохит тудыру, мөһим. Димәк, районнар, шәһәрләр җитәкче­леге тырышлыгы белән уңай нәтиҗәгә ирешү мөмкин. Рөс­тәм Зәки улы бу мәсьәләне дә игътибардан читтә калдырмады.

— Ел йомгаклары буенча район һәм шәһәрләрнең идарә командаларының инвестицион юнәлеш буенча эшчәнлегенә бәһа биреләчәк. “Бер кешегә төп капиталга инвестицияләр күләме” күрсәткече исәплә­нәчәк. Былтыр республикада бу күрсәткеч 78 мең сум тәш­кил итте. Быел муниципаль берәмлекләр дә шундый нәти­җәгә ирешергә тиеш, — диде ул.

Күренүенчә, хәзер урындагы җитәкчеләрнең җаваплы­лыгы тагы да артты. Җитәк-челәрнең төп бурычы халык өчен эшләү, халыкны кайгырту булганга, һәркем зур көч салачагына ышаныч зур.
Читайте нас: