Безнекеләр алдынгылар арасында!

Башкортстаннан ике проект Русиядә туристлык-рекреацион кластерлар булдыру һәм экотуризмны үстерү буенча Бөтенрусия конкурсы финалына узды.

Кичә Русиядә туристлык-рекреацион кластерлар булдыру һәм экотуризмны үстерү буенча Бөтенрусия конкурсының беренче этабы тәмамланды. Бу конкурс табигый территорияләрнең потенциалын арттырырга һәм илдә экотуризмга мөнәсәбәтне үзгәртергә тиеш.

Конкурс комиссиясе утырышында финалистлар игълан ителде. Алар арасына Башкортстаннан «Могучий Иремель» һәм «Башкортстан йөрәге» проекты керде. Конкурс агымдагы елның 16 октябрендә тәмамланачак.

Конкурс финалына барлыгы 34 команда үтте: 33 проект — эксперт төркемен бәяләү һәм конкурс комиссиясе әгъзаларының тавыш бирү нәтиҗәләре, бер проект халык тавыш бирүе нәтиҗәләре буенча үтте. Конкурс комиссиясе утырышы Русия Президентының табигатьне саклау эшчәнлеге, экология һәм транспорт мәсьәләләре буенча махсус вәкиле Сергей Иванов рәислегендә узды.

- Проектлар өстендә уртак идеяне берләштергән кешеләр эшләде. Командаларга үз эшләренең энтузиастлары гына түгел, югары дәрәҗәдәге профессионаллар да керде. Аларның барысына да әлеге территорияләрнең һәм республиканың язмышына битараф түгел. Без кыска гына вакыт эчендә берләшә алдык, проектны дөрес итеп төпләдек һәм гариза рәсмиләштердек. Беренче этапта җиңү - әле беренче адым гына. Алда әле эшләр күп. Инвесторларны җәлеп итү, кирәкле нәтиҗәгә ирешү өчен алга таба да проектларны җентекләп эшләргә кирәк, – дип шәрехләде Башкортстанның Туризм буенча дәүләт комитеты рәисе Салават Нәфыйков.

Фото: "Башкортстанның Туризм буенча дәүләт комитеты" сайтыннан.