+24 °С
Яңгыр
Икътисад
10 август 2020, 16:00
"Башта көненә бер мең битлек тә тегә алмадык..."
Башкортстандагы «Алга» махсус икътисади зонасы территориясендә җиңел сәнәгать өлкәсендә инвестпроектларны гамәлгә ашыру 1 300 яңа эш урыны булдырырга мөмкинлек бирәчәк.
Башкортстандагы «Алга» махсус икътисади зонасы территориясендә җиңел сәнәгать өлкәсендә инвестпроектларны гамәлгә ашыру 1 300 яңа эш урыны булдырырга мөмкинлек бирәчәк.
Бу хакта 10 августта республика Башлыгы Радий Хәбиров үткәргән оператив киңәшмәдә төбәкнең сәнәгать һәм энергетика министры Александр Шельдяев хәбәр итте. Сүз, аерым алганда, «Аркада» сәнәгать берләшмәсенең махсус кием тегү предприятиесе һәм ZASPORT спорт һәм көндәлек кием-салым тегү фабрикасы төзү турында бара. Инвестицияләрнең гомум күләме 630 миллион сум тәшкил иткән.
Александр Шельдяев хәбәр иткәнчә, 46 республика предприятиесе чимал һәм материаллар сатып алуга киткән чыгымнарның бер өлешен субсидияләүдән файдаланган. Субсидияләрнең гомум күләме 100 миллион сум тәшкил итте.
Җитештерү җиһазлары сатып алу һәм аны программа белән тәэмин итү өчен субсидияләр бирүгә документлар кабул итү тәмамланды. Башкортстанның 30дан артык оешмасы гариза биргән. Конкурс нәтиҗәләре 12 августта билгеле булачак. Бу максатларга республика бюджетында 50 миллион сум каралган.
Республика җиңел сәнәгать предприятиесе коронавирус тарала башлаганнан бирле җитештерү процессларын шәхси саклану чаралары чыгаруга үзгәртеп корган. 18 марттан алар 5,1 миллионнан артык күп тапкыр кулланыла торган гигиена битлекләрен теккән, 310 меңнән артык бер тапкыр кулланыла торган һәм 20 мең күп тапкыр кулланыла торган саклагыч костюм комплекты әзерләгән.
- Коронавирус эпидемиясе башлангач, көненә бер мең битлек тә тегә алмадык. Ә хәзер сез тәүлегенә 150 мең битлек тегәсез. Шуның аркасында сез барлык шәхси саклану чаралары белән тәэмин иттегез һәм аларның бәясе төште. Зур рәхмәт сезгә, - диде Радий Хәбиров. - Гомумән, без республиканың җиңел сәнәгатенә ярдәм итүгә юнәлдерелгән берничә карар кабул иттек. Шуларның берсе - конкурс процедуралары аша безнең җитештерүчеләрдән эшләнмәләрне максималь сатып алуны тәэмин итү. "Сәнәгать сәгате"ндә күрелә торган ярдәм чараларының бөтен комплексы турында фикер алышырга тәкъдим итәм.
Фото: bashinform.ru
