+21 °С
Болытлы
Икътисад
24 август 2020, 14:55
"Барлык объектлар да вакытында тапшырылачак..."
Башкортстанның Төзелеш һәм архитектура буенча дәүләт комитеты рәисе Марат Әхмәдуллин Башкортстанның Урал аръягында төзелә торган объектларда булды.
Башкортстанның Төзелеш һәм архитектура буенча дәүләт комитеты рәисе Марат Әхмәдуллин Башкортстанның Урал аръягында төзелә торган объектларда булды.
Шулай итеп, Хайбулла районында ведомство җитәкчесе «Авыл территорияләрен комплекслы үстерү» дәүләт программасы кысаларында төзелә торган мәктәпнең төзелеш мәйданчыгын карады.
Хайбулла районы хакимияте башлыгы Рөстәм Шәрипов хәбәр иткәнчә, объект төзелеше бу җәйдә башланган. 140 урынлык интернат белән берләштерелгән 550 урынга исәпләнгән мәктәп 2021 елның җәе ахырына тапшырылырга тиеш. Объектның гомум бәясе 446,5 миллион сум тәшкил итәчәк.
Аннары Марат Әхмәдуллин Акъяр авылында бассейн төзелеше бара торган мәйданчыкта булды. Әлеге спорт объектын урындагы халык бик көтә, ләкин бүгенге көндә, кызганычка каршы, эшләр туктатылган. Генеральный подрядчы ягыннан эшләрнең тиешле үтәлмәве сәбәпле, аның белән контракт өзелгән. Марат Әхмәдуллин объектны төзеп бетерәчәкләр, дип ышандырды. Хәзерге вакытта проект-смета документларына төзәтмәләр кертелә.
- Кабат дәүләт экспертизасы үткәрергә, яңа генподрядчыны билгеләргә кирәк булачак. Барлык чаралар нәтиҗәләре буенча төзелеш-монтаж эшләрен тәмамлау һәм бассейнны файдалануга тапшыру сроклары буенча аңлау булачак, - дип хәбәр итте ул.
Район буенча сәфәр барышында тагын бер төзелеп бетмәгән объект – мәдәният йорты каралды. 1964 елда төзелгән иске бина 240 урынга исәпләнгән һәм күптән инде бөтен теләүчеләрне сыйдыра алмый, аның тузу дәрәҗәсе 80 процент тәшкил итә. 2004 елда район үзәгендә 500 урынга исәпләнгән яңа район мәдәният йорты төзелә башлаган, әмма берничә елдан соң объект резервланган. 2017 елда объект муниципаль милеккә күчкән. Бүгенге көндә төзелешне тәмамлау мәсьәләсе карала. Проект дәүләт экспертизасы үтә.
Баймак районында Марат Әхмәдуллин Иске Сибай авылында төзелеш эшләренең барышы белән танышты. 2021 ел ахырына биредә 375 урынга исәпләнгән яңа заманча мәктәп барлыкка киләчәк. Яңа белем бирү учреждениесенең дүрт катлы бинасы иске мәктәп урынында урнашачак. Проект буенча яңа мәктәптә укучыларның уку-укыту процессын һәм ялын оештыру өчен кирәкле бөтен нәрсә булачак.
Объектның гомум мәйданы сигез мең квадрат метрдан артык. Проектлаучылар якындагы территориядә тулы бер мәйданчык комплексын, шулай ук футбол мәйданчыгын карадылар. Төзүчеләр инде 30 елга якын файдалануда булган элекке мәктәпне демонтажлаган һәм, бинада ярык барлыкка килү сәбәпле, авария хәлендә дип табылган.
- Мәгариф учреждениесе төзелеше күптән түгел генә башланса да, фундаментны монтажлау эшләрен тизләтергә, шулай ук объектта эшчеләр санын арттырырга кирәк. Иске Сибай авылында яшәүчеләр яңа мәктәпне бик көтеп алалар, шуңа күрә вакытында файдалануга тапшырырга кирәк, - дип йомгак ясады генподрядчы белән әңгәмәдә ведомство җитәкчесе.
Фото: Төзелеш һәм архитектура буенча дәүләт комитетының матбугат хезмәте.
Шулай итеп, Хайбулла районында ведомство җитәкчесе «Авыл территорияләрен комплекслы үстерү» дәүләт программасы кысаларында төзелә торган мәктәпнең төзелеш мәйданчыгын карады.
Хайбулла районы хакимияте башлыгы Рөстәм Шәрипов хәбәр иткәнчә, объект төзелеше бу җәйдә башланган. 140 урынлык интернат белән берләштерелгән 550 урынга исәпләнгән мәктәп 2021 елның җәе ахырына тапшырылырга тиеш. Объектның гомум бәясе 446,5 миллион сум тәшкил итәчәк.
Аннары Марат Әхмәдуллин Акъяр авылында бассейн төзелеше бара торган мәйданчыкта булды. Әлеге спорт объектын урындагы халык бик көтә, ләкин бүгенге көндә, кызганычка каршы, эшләр туктатылган. Генеральный подрядчы ягыннан эшләрнең тиешле үтәлмәве сәбәпле, аның белән контракт өзелгән. Марат Әхмәдуллин объектны төзеп бетерәчәкләр, дип ышандырды. Хәзерге вакытта проект-смета документларына төзәтмәләр кертелә.
- Кабат дәүләт экспертизасы үткәрергә, яңа генподрядчыны билгеләргә кирәк булачак. Барлык чаралар нәтиҗәләре буенча төзелеш-монтаж эшләрен тәмамлау һәм бассейнны файдалануга тапшыру сроклары буенча аңлау булачак, - дип хәбәр итте ул.
Район буенча сәфәр барышында тагын бер төзелеп бетмәгән объект – мәдәният йорты каралды. 1964 елда төзелгән иске бина 240 урынга исәпләнгән һәм күптән инде бөтен теләүчеләрне сыйдыра алмый, аның тузу дәрәҗәсе 80 процент тәшкил итә. 2004 елда район үзәгендә 500 урынга исәпләнгән яңа район мәдәният йорты төзелә башлаган, әмма берничә елдан соң объект резервланган. 2017 елда объект муниципаль милеккә күчкән. Бүгенге көндә төзелешне тәмамлау мәсьәләсе карала. Проект дәүләт экспертизасы үтә.
Баймак районында Марат Әхмәдуллин Иске Сибай авылында төзелеш эшләренең барышы белән танышты. 2021 ел ахырына биредә 375 урынга исәпләнгән яңа заманча мәктәп барлыкка киләчәк. Яңа белем бирү учреждениесенең дүрт катлы бинасы иске мәктәп урынында урнашачак. Проект буенча яңа мәктәптә укучыларның уку-укыту процессын һәм ялын оештыру өчен кирәкле бөтен нәрсә булачак.
Объектның гомум мәйданы сигез мең квадрат метрдан артык. Проектлаучылар якындагы территориядә тулы бер мәйданчык комплексын, шулай ук футбол мәйданчыгын карадылар. Төзүчеләр инде 30 елга якын файдалануда булган элекке мәктәпне демонтажлаган һәм, бинада ярык барлыкка килү сәбәпле, авария хәлендә дип табылган.
- Мәгариф учреждениесе төзелеше күптән түгел генә башланса да, фундаментны монтажлау эшләрен тизләтергә, шулай ук объектта эшчеләр санын арттырырга кирәк. Иске Сибай авылында яшәүчеләр яңа мәктәпне бик көтеп алалар, шуңа күрә вакытында файдалануга тапшырырга кирәк, - дип йомгак ясады генподрядчы белән әңгәмәдә ведомство җитәкчесе.
Фото: Төзелеш һәм архитектура буенча дәүләт комитетының матбугат хезмәте.
