Башкортстанда елкычылыкка игътибар арта

Дуван районы үзәгендә Башкортстан Башлыгы Радий Хәбиров күппрофильле колледжда булды, ул республиканың барлык төньяк-көнчыгыш районнары өчен авыл хуҗалыгы белгечләре һәм эшче һөнәрчеләр әзерләү белән шөгыльләнә.

Республика Башлыгына белем бирү учреждениесе директоры Талип Фазлыев хәбәр иткәнчә, биредә тракторчы-машинист, пешекче-кондитер, эретеп ябыштыручы, төзелеш эшләре мастеры, агроном, ветеринар, автомеханик һәм электромонтер кебек һөнәрләр буенча укыталар. Өстәмә һөнәри белем бирү программалары тормышка ашырыла. Уку йортының филиаллары Ярославка, Югары Кыйгы, Малаяз, Яңа Балакатай авылларында урнашкан.

Радий Хәбиров колледж җитәкчелеге белән матди-техник белем бирү учреждениесен ныгыту, шулай ук илнең алдынгы төбәкләреннән белгечләр җәлеп итеп, елкычылык тармагы өчен һөнәрләргә өйрәтүне оештыру мәсьәләләре буенча фикер алышты.

- Без Башкортстанда спорт елкычылыгын үстерү юлларын эзлибез. Мин республика Авыл хуҗалыгы министрлыгына монда компетенцияләр үзәген булдыру мәсьәләсен өйрәнергә кушам, - диде Радий Хәбиров.

Башкортстан Башлыгы, шулай ук, Мәгариф министрлыгына колледж ашханәсен ремонтлау һәм уку йорты өчен автобус алу мөмкинлеген карарга кушты.

Фото: Башинформ