Башкортстанда беренче мультифункцияле иҗтимагый киңлек Ишембайда ачылды

10 октябрьдә Ишембайда яңартылган Ленин мәйданы ачылды.

Бу - якындагы елларда Башкортстанда гамәлгә ашырылачак 16 объектның беренче төзекләндерү проекты. Мәйданны рәсми ачу һәм бүләкләү өчен Ишембайда Русия төзелеш министры Владимир Якушев, Башкортстан Башлыгы Радий Хәбиров һәм район башлыгының иҗтимагый киңлекләрне үстерү мәсьәләләре буенча киңәшчесе, безнең институт кураторы Ольга Сарапулова булдылар.

Мәйдан проекты Ишембай халкы фикерен исәпкә алып булдырылды: алар проблемалы нокталарны билгеләде һәм тарихлары, шәһәр легендалары белән уртаклашты.

Фестивальдә шәһәрнең иҗат коллективлары белән бергә оештырылган 10нан артык вакыйга мәйданчыгы: урам музыкантларының чыгышлары һәм аллея янындагы мәйданда урындагы рәссамнарның эшләре күргәзмәсе, АшМаркет ашлары фестивале, амфитеатр каршындагы бию флешмоблары, кулдан эшләнгән товарлар ярминкәсе эшләде.

Тантаналы өлештә фонтанны символик рәвештә Ишембай районының мактаулы гражданы, нефть һәм газ сәнәгате отличнигы Рәсүл Гомәров ачты.

Кичке концертта «Дамаск», «Волга-Волга» төркемнәре, ZAINETDIN проекты этно-шоу чыгыш ясады.

Фото: Башинформ