Радий Хәбиров чираттагы "Төзелеш сәгате"н үткәрде

18 гыйнварда Башкортстан Башлыгы Радий Хәбиров «Төзелеш сәгате» форматында тематик онлайн-киңәшмә үткәрде, анда проблемалы объектларны төзү һәм өлешчеләрнең бозылган хокукларын тергезү мәсьәләләре буенча фикер алыштылар.

Аерым алганда, катнашучылар Октябрьский шәһәрендә торак комплексының ике йортын төзеп бетерүне карады. Исегезгә төшерәбез, республика җитәкчесе агымдагы елның гыйнварында эш сәфәре вакытында объектның төзелеш мәйданчыгында булды. Башкортстан Башлыгы республика Хөкүмәтенә бер атна дәвамында тәкъдимнәр әзерләргә һәм киләсе киңәшмәдә объектны төзүнең оптималь схемасын кабул итәргә кушты.

Тагын бер торак комплекс, ул финанс-икътисади модельне эшләүне таләп итә, Уфада "Черёмушки" торак комплексы. Төзүче - "Монолитинвестстрой" компаниясе, банк проект финанславын җәлеп итеп, ике йорт төзергә планлаштыра. Акча бирү шартларын үтәү өчен киңәшмәдә катнашучылар банкның Башкортстанның төбәк фонды белән килешүенә кул куюны тәкъдим итте. Радий Хәбиров бу мәсьәләне өч атнадан соң башкарылган эш йомгаклары буенча яңадан карарга кушты.

Русиядә металл прокатының бәясен арттыру проблемасы турында республиканың төзелеш компанияләре вәкилләре сөйләде. Узган елда илебезнең күп кенә җитештерүчеләре тимер-бетон конструкцияләр өчен материалларга бәяләрне 50-60 процентка күтәргән, бу торак, социаль объектлар, инфраструктура проектларын гамәлгә ашыруга чыгымнарны шактый арттырырга мөмкин. Мәгариф һәм сәламәтлек саклау учреждениеләре, төбәкнең транспорт объектлары турында сүз бара. Алар смета бәясен үзгәртүне һәм дәүләт экспертизасын кабат узуны таләп итәргә мөмкин.

Башкортстанда нигездә эчке республика заказларын үтәүче 25 урта һәм эре тимер-бетон эшләнмәләре җитештерү предприятиесе эшли. Радий Хәбиров төбәкнең Сәнәгать, энергетика һәм инновацияләр министрлыгына сатып алу процедураларының оптималь вариантларын оештыру өчен төзүчеләрнең республика предприятиеләре белән үзара хезмәттәшлеге мәсьәләләрен өйрәнергә кушты.

Фото: Башкортстан Башлыгы