Барлык яңалыклар
Икътисад
6 февраль 2021, 20:42

"Үсешне тизләтергә кирәк..."

"Башкортостанстат" мәгълүматлары буенча, 2019 елда республиканың төп капиталына инвестицияләр күләме 337,7 миллиард сум тәшкил иткән, үсеш темпы — 119 процент.

"Башкортостанстат" мәгълүматлары буенча, 2019 елда республиканың төп капиталына инвестицияләр күләме 337,7 миллиард сум тәшкил иткән, үсеш темпы — 119 процент.

Бу хакта Башкортстан Хөкүмәте Премьер-министры Андрей Назаров узган елда инвестицион планнарны гамәлгә ашыру мәсьәләләре буенча төбәкнең эре предприятиеләре белән эшлекле киңәшмә барышында хәбәр итте.

- Гомумрусия инвестицион активлык кимү фонында республика уңай динамика күрсәтүен дәвам итә. Республика Башлыгы тарафыннан икътисадта кризиска кадәрге күрсәткечләрне тергезү бурычы куелды. Ирешелгән динамиканы һәм тотрыклы икътисади һәм инвестицион үсешне тәэмин итү буенча билгеләнгән максатларны исәпкә алып, безнең алдагы бурыч – үсеш темпларын саклап калу гына түгел, ә тизләтергә дә, — диде Андрей Назаров.

Икътисадка ярдәм итү буенча үз вакытында күрелгән чаралар җитди кимүне булдырмаска гына түгел, ә икътисадның төп секторларында үсеш динамикасын тәэмин итәргә дә мөмкинлек бирде, дип өстәде ул.

- Безгә республиканың эре предприятиеләре һәм оешмалары җитәкчеләре һәм хуҗаларының позициясе бик мөһим. Бу яхшы нәтиҗә күрсәтү генә түгел, федераль үзәктән кире элемтә һәм өстәмә ярдәм алу мөмкинлеге дә бирә. Республика үсешенә юнәлтелгән планнарыбыз күп булуга бәйле рәвештә, зур эш башкарасы бар. Безнеңчә, соңгы елларда алар буенча артта калу булган берничә юнәлеш бар. Темплар Русия буенча уртача күрсәткечләрдән югарырак булырга тиеш, - дип өстәде Андрей Назаров
.
Ул республиканың Русия субъектлары инвестклиматының «Стратегик башлангычлар агентлыгы» илкүләм рейтингында 9нчы урынны яулавын һәм төбәкнең иң амбициоз бурычы - ТОП-5кә керүе максатын билгеләп үтте.

Фото: Башинформ
Читайте нас в