Булачак пенсиягә дип Минфин халыктан акча җыймакчы

Ә халык Пенсия фондына ышанмый.

Русия Финанс министрлыгы тәкъдим иткән ирекле пенсия түләүләренә күчү өчен илнең бөтен пенсия системасын үзгәртергә кирәк. Русия Дәүләт думасының Икътисади сәясәт комитеты рәисенең беренче урынбасары Сергей Калашников шундый фикере белән уртаклашты.

Берничә көн элек "Коммерсант" Финанс министрлыгының ел ахырына кадәр ирекле пенсия взнослары турында закон проектын Хөкүмәткә тәкъдим итү планы турында хәбәр итте. Ведомство башлкнгычы нигезендә, гражданнар шәхси кертемнәр хисабына үзләренең булачак пенсиясен финанслау мөмкинлеген алачак.

"Ирекле рәвештә дәүләт белән бергә шәхси финанслауга килгәндә, бу идея бик мөһим. Ләкин аерым детальләргә игътибар итәргә кирәк: бөтен пенсия системасын үзгәртмичә, бу принципны аерым категория гражданнар өчен генә кертү мөмкин түгел ", - дип сөйләде Калашников.

Депутат ассызыклаганча, Русиядә әлеге пенсия системасы аерым вакыт аралыгы белән бәйле. Шуңа күрә пенсия алды яшендәге кешеләр өчен ирекле пенсия түләүләрен кертүнең файдасы булмаячак.

Калашников белән икътисадчы Антон Любич та килешә. Аның фикеренчә, мәҗбүри кертемнәр урынына, ирекле акча күчерүләргә бәйле теләсә нинди система дөрес чара булып тора. Әмма русиялеләрдә Пенсия фондының репутациясе чамалы, шуңа күрә, әлеге башлангыч взносларның киңкүләм булмаячагына китерергә мөмкин.

"Кешеләрнең пенсия системасына ышанычы юк, һәм мин бу ышанычның ныгуы өчен алшартлар күрмим", - дип билгеләде Любич.

Фото:pixabay.com.