Эшкуарлык өлкәсендә хәлләр ничек?

19 февральдә "Торатау" конгресс-холында Башкортстан Эшкуарлык буенча дәүләт комитетының коллегия утырышы үтте, анда ведомствоның 2020 елгы эш нәтиҗәләре каралды һәм эшкуарлык өлкәсен үстерүнең төп юнәлешләре билгеләнде.

Чара Башкортстан Хөкүмәте Премьер-министрының беренче урынбасары, Хөкүмәт аппараты җитәкчесе Илшат Таҗетдинов рәислегендә узды.

Узган ел барыбыз өчен дә авыр булды. Бизнеска авыруларны тоткарлау өчен кирәк булган чикләү чаралары күрергә туры килде. Федераль һәм төбәк Хөкүмәте тарафыннан эшкуарлар бу кризисны кичерсен өчен кулдан килгәннең барысы да эшләнгән. Кабул ителгән чараларга карамастан, пандемия, һичшиксез, үз эзен калдырган.

Ил буенча кече һәм урта эшкуарлык субъектлары саны 4 процентка диярлек кимегән. Республикада хәл яхшырак, кимү 3,5 проценттан артмаган һәм кече һәм урта эшкуарлык бердәм реестры мәгълүматлары буенча, 122,2 мең субъект исәпләнә. Республикада кече һәм урта компанияләрнең гомум саны буенча яңа предприятиеләр саны шулай ук уртача Русия күрсәткеченнән артып китә.

Пандемия чорында тормышка ашырылган бизнеска дәүләт ярдәме чаралары эшкуарлык активлыгының сизелерлек кимүен тоткарларга ярдәм иткән.

Республика шактый зур күләмдә федераль акча алган, аның зур өлеше үсеш институтларын финанслауга һәм капиталлаштыруга, республикада «Кече һәм урта эшкуарлык һәм индивидуаль эшкуарлык башлангычларына ярдәм итү» гомумдәүләт проекты чараларын тормышка ашыруга юнәлтелгән.

Фото: Башкортстан Хөкүмәте