Максат - топ-5кә керү!

Агымдагы елда Башкортстан Хөкүмәте Белорет районында «Мраткино» курорт кластерын төзу концессионеры белән килешү төзергә планлаштыра.

Бу хакта Башкортстан Хөкүмәте Премьер-министрының беренче урынбасары, икътисади үсеш һәм инвестицион сәясәт министры Рөстәм Моратов төбәкнең инвестицион эшчәнлегенә багышланган брифинг барышында хәбәр итте.

- Бюджет акчалары дефициты сәбәпле дәүләт-шәхси партнерлыкны үстерү өстенлекле юнәлешкә әверелә һәм без аны тагын да активрак гамәлгә ашырырга өметләнәбез. Әйтик, без зур проектны гамәлгә ашырабыз, ул — 9 миллиард сум күләмендә инвестицияләр белән «Мраткино» курорты. Бу проект буенча ярты ел элек республика Хөкүмәте Премьер-министры Андрей Назаров контролендә юл картасы эшләнгән. Без быел концессион килешү төзергә өметләнәбез. Бу төбәктә туризм өлкәсендә беренче концессион килешү булачак, - диде Рөстәм Моратов.

Рөстәм Моратов агымдагы ел нәтиҗәләре буенча дәүләт-шәхси партнерлык проектларын гамәлгә ашыру буенча илдә иң яхшы 5 төбәк исемлегенә керү бурычы торуын билгеләп үтте.

Фото: Башкортстан Хөкүмәте