+21 °С
Болытлы
Икътисад
6 апрель 2021, 11:50
Халыкара күргәзмәдә Башкортстан туризмы потенциалы тәкъдим ителде
1-3 апрельдә Мәскәүнең «Экспоцентр»ында «Интурмаркет» дип аталган XVI Халыкара туристик күргәзмә узды, анда Башкортстан Республикасы да катнашты.
1-3 апрельдә Мәскәүнең «Экспоцентр»ында «Интурмаркет» дип аталган XVI Халыкара туристик күргәзмә узды, анда Башкортстан Республикасы да катнашты.
90 квадрат метр мәйданда оештырылган "Башкортстан" стенды туризм һәм кунакчыллык өлкәсендә бизнес вәкилләреннән җәйге ял тәкъдимнәре белән күргәзмәдә иң популяры булды. Башкортстанның туристлык тармагында катнашучылар һәм стенды эше республика туризмын үстерү үзәге тарафыннан оештырылды. Республика стендына килүчеләр җәйге турлар белән танышу гына түгел, ә бәлки үз күзләре белән умарта кортларын күрде, башкорт тирмәсенең эчке бизәлешен карады, хуш исле чәй белән сыйланды, республиканың иң яхшы һөнәрчеләреннән истәлекле сувенирлар сатып ала алды.
Туристлык буенча федераль агентлык җитәкчесе Зарина Догузова күргәзмәне карап йөргәндә Башкортстанның стендына зур игътибар бирде. Башкорт кунакчыллыгы гадәте буенча "Ростуризм" башлыгын тирмәгә чакырдылар, үлән чәе һәм чолык балы белән сыйладылар, шулай ук аңа милли хатын-кыз изәге бүләк иттеләр. Зарина Догузова Башкортстан делегациясенә "эшләре, энергиясе, энтузиазмы өчен" рәхмәт белдерде һәм республикага килергә вәгъдә итте: «Мин сезнең Башкортстан турында нинди ярату белән сөйләгәнегезне күрәм, бу илһамландырмый кала алмый. Бик зур рәхмәт", - диде ул.
Фото: tourism.bashkortostan.ru
