-5 °С
Болытлы
Гәзиткә язылуVKOKTelegram
Барлык яңалыклар
Икътисад
21 июнь 2021, 21:10

Белорет металлургия комбинатында яңа производство ачылды

Башкортстан Башлыгы Радий Хәбиров Белорет шәһәренә барды, анда шатлыклы вакыйга булды. Бу хакта Радий Фәрит улы социаль челтәрләрдә битендә хәбәр итте.

Башкортстан Башлыгы Радий Хәбиров Белорет шәһәренә барды, анда шатлыклы вакыйга булды. Бу хакта Радий Фәрит улы социаль челтәрләрдә битендә хәбәр итте.
"Бүген Белорет металлургия комбинатында яңа производство ачылды, ул шәһәр экологиясенә йөкләнешне киметәчәк, предприятие һәм район икътисады күләмнәрен арттырачак, өстәмә эш урыннары бирәчәк.
220 миллион сумлык дүрт заманча станны эшләтеп җибәрдек. Заводта барлыгы 12 яңа станок урнаштырачаклар. Планда - елына 50 мең тоннага кадәр продукция җитештерү.
Цех Русия сәнәгатен үстерү фонды чаралары ярдәмендә ачылды. Республика металлургия комбинаты башлангычын хуплады, проектны озатып йөрде. Аның бәясе - 1,5 миллиард сум, шуларның 750 миллион сумы - ташламалы заем. 2023 елда модернизацияләүнең барлык этапларын да төгәлләргә планлаштырабыз. Нигез - махсус машиналар һәм ярдәмче җиһазлар урнаштыру белән корыч үткәргеч цехларны масштаблы техник яктан яңарту, шулай ук агып төшүче суларны чистарту станциясен монтажлау.
Эшнең башыннан ук без бу предприятиенең киләчәге өчен борчылдык, аны коткару, модернизацияләү вариантларын эзләдек. Бүген кәефем бик күтәренке", - дип яза Радий Хәбиров "Фейсбук"та.
Фото: "Фейсбук"
Читайте нас в