+17 °С
Болытлы
Гәзиткә язылуVKOKTelegram
Барлык яңалыклар
Икътисад
21 июнь 2021, 21:10

Белорет металлургия комбинатында заманча производство эшли башлады

21 июньдә Башкортстан Башлыгы Радий Хәбиров, «Мечел» җәмгыятенең директорлар советы рәисе Игорь Зюзин һәм генеральный директоры Олег Коржов Белорет металлургия комбинатында («Мечел» төркеменә керә) корыч чыбык җитештерү буенча яңа сәнәгать линиясен эшләтеп җибәрүдә катнаштылар.

21 июньдә Башкортстан Башлыгы Радий Хәбиров, «Мечел» җәмгыятенең директорлар советы рәисе Игорь Зюзин һәм генеральный директоры Олег Коржов Белорет металлургия комбинатында («Мечел» төркеменә керә) корыч чыбык җитештерү буенча яңа сәнәгать линиясен эшләтеп җибәрүдә катнаштылар.

220 миллион сумлык дүрт заманча җепселле станны предприятиедә канат җитештерүен модернизацияләү буенча инвестпроект кысаларында сатып алганнар. Бу - елына 50 мең тонна продукция җитештерүче җиһазларның беренче партиясе. Заводта барлыгы 12 яңа стан урнаштырылачак, 50дән артык эш урыны булдырылачак.

"БМК" проектны 2016 елда гамәлгә ашыра башлаган. Аның бәясе 1,5 миллиард сум тәшкил итә, шуның 750 миллион сумы – Русия сәнәгатен үстерү фондының ташламалы бурычы. Проектны 2023 елда тәмамларга планлаштыралар.

2018 елның декабрендә комбинатта Радий Хәбиров катнашлыгында Русиядә аналогы булмаган яңа канат производствосы эшли башлады. Предприятиенең уникаль продукциясе - Белоруссиядә җитештерелгән полимерлы канатлар - тау рудасы һәм нефть чыгару тармакларында, шулай ук күпер һәм суднолар төзелешендә ихтыяҗ бар.

Модернизацияләнгән производствоны эшләтеп җибәрү алдыннан Башкортстан Башлыгы комбинатның канат цехында булды, анда ул яңа җиһазларны карады.

– Республика Хөкүмәте һәм «Мечел» компаниясе белән уртак эшнең төп бурычларының берсе – заводны саклап калу гына түгел, ә аны яхшырак, заманчарак итү. Биредә хезмәт җитештерүчәнлеге артты, яңа эш урыннары барлыкка килде, хезмәт хакы артты, – дип ассызыклады Радий Хәбиров. – Соңгы елларда сәнәгать предприятиеләре өчен экологик яктан югары дәрәҗәдә булуы мәҗбүри таләп булып тора. Яңа җиһазлар да тирә-як мохиткә йөкләнешне шактый киметә. «Мечел» җитәкчелегенә бу эш өчен рәхмәт белдерәсем килә һәм комбинат коллективын җитештерүне башлап җибәрүләре белән котлыйм.

Фото: Башкортстан Башлыгы сайтыннан.
Читайте нас: