Подъездлар көлеп торачак!

Башкортстан Башлыгы Радий Хәбиров подъездларны комплекслы ремонтлау программасы турында Интернет челтәрендә язма бастырган.

"Быел без подъездларны комплекслы ремонтлау эшенә башкача мөнәсәбәт булдырдык. Исегезгә төшерәм: бу программа буенча без подъездларны республика акчалары исәбенә тәртипкә китерәбез. Без контрольгә һәм сыйфатка зур игътибар бирәбез. Узган еллар тәҗрибәсеннән чыгып, кайбер подрядчылар эшне тиз башкарып чыгабыз, дип, подъездларда бәла-казалар китереп чыгарган.

Агымдагы ел сезонында күпфатирлы 112 йортта 306 подъезд ремонтланачак. Эшләрнең гомум суммасы - 222 миллион сум. Яртысын эшләдек инде, план буенча көзгә эшләр тәмамланырга тиеш.

Быел милекчеләр җыелышының карары нигезендә коляскадагы инвалидлар яши торган йортларда пандуслар урнаштырабыз. Барлык йортларда да түгел, ә комплекслы ремонт ясый торган урыннарда. Әмма киләчәктә барлык подъездларны пандуслар белән җиһазландыру зарур. Һәм мин идарәче компанияләрне һәм муниципалитетларны әлеге бурычны үтәргә чакырам. Без подъездларда уңайлылык тәэмин итәргә тиеш, ә мөмкинлекләре чикле кешеләр өчен – беренче чиратта.

Барыгызга да яхшы, нәтиҗәле эш атнасы телим!", - дип язган ул.

Фото: Башкортстан Башлыгы