Башкортстанга яңа инвесторлар килә!

"Башкортстан балы, мөгаен, безнең брендның иң танылганыдыр. Аны республикадан читтә дә беләләр. Бер яктан, бу, һичшиксез, горурлык өчен сәбәп, әмма икенче яктан, безнең шәхси казанышларыбызның монда булмавын аңлау зарур.

Бездә югары сыйфатлы бал җыю өчен шартлар бик уңайлы. Әлеге байлыкка лаек булырга кирәк. Иң заманча технологияләрне кулланып, аны сакчыл һәм нәтиҗәле кулланырга да, аны арттырырга да кирәк. Без тармакны киләчәк буыннарга аны кабул иткәндәгегә караганда сыйфатлырак хәлдә тапшырырга тиешбез.

Без Уфада бал продукциясе эшкәртү буенча Русиядә иң эре завод төзергә әзер инвесторны таптык. Бу XXI гасырга автоматлаштырылган, технологик яктан камилләштерелгән җитештерү булачак. Үз продукциясен алар, нигездә, экспортка җитештерәчәк, шуңа күрә биредә үк янәшәдә генә бал сыйфатын тикшерү буенча халыкара аккредитация узган лаборатория, шулай ук заводның күргәзмә павильоны да булачак.

Проектка инвестор 3,7 миллиард сумнан артык акча кертергә ниятли. Республиканың 12 районында яңа умарталыклар оештырылачак. Бу - яңа эш урыннары, шул исәптән төбәк бюджетына өстәмә салымнар да.

Эшләр быел ук башланачак. Беренче умарталыклар Бөрҗән, Ишембай, Күгәрчен һәм Куергазы районнарында төзеләчәк", дип язган ул.

Фото: Башкортстан Хөкүмәте.