+21 °С
Болытлы
Икътисад
15 июль 2021, 09:23
Иң яхшы күпфункцияле үзәк кайда урнашкан?
Башкортстанда ел саен үткәрелә торган «Иң яхшы күпфункцияле үзәк» республика конкурсы игълан ителә.
Иң яхшы күпфункцияле үзәк кайда урнашкан?
1 августта ел саен үткәрелә торган «Башкортстан Республикасы дәүләт һәм муниципаль хезмәтләр күрсәтүнең иң яхшы күпфункцияле үзәге» республика конкурсында катнашу өчен түбәндәге номинацияләр буенча гаризалар кабул итү башлана:
1) "Дәүләт һәм муниципаль хезмәтләр күрсәтүнең иң яхшы күпфункцияле үзәге " категорияләре буенча:
- "Эре шәһәрләрнең күпфункцияле үзәге" (халык саны 100 меңнән артык булган шәһәр территориясендә урнашкан үзәкләр өчен);
- "Урта шәһәрләрнең күпфункцияле үзәге" (халык саны 25-100 мең кеше булган шәһәр территориясендә урнашкан үзәкләр өчен);
- "Кече шәһәрләрнең күпфункцияле үзәге".
2) "Күпфункцияле үзәкнең иң яхшы универсаль белгече".
Конкурста катнашу өчен гаризалар бирү вакыты - 1 августтан 31 августка кадәр.
Белешмәләр өчен телефон: 8 (347) 246-55-33.
Фото: Башкортстан Хөкүмәте
