Барлык яңалыклар
Икътисад
26 июль , 15:26

Юл буе сервисы үсеш алачак

Башкортстан Җир һәм милек мөнәсәбәтләре министрлыгы җир кишәрлекләрен бер категориядән икенчесенә күчерү проблемаларын хәл итү өчен өстәмә чара үткәрергә тәкъдим итте.

Юл буе сервисы үсеш алачак
- Юл буе сервисы объектларын урнаштыру өчен перспективалы 782 кишәрлекнең 361е аларны хуҗалык әйләнешенә кертү алдыннан чаралар үткәрүне таләп итә, - дип хәбәр итте җир һәм милек мөнәсәбәтләре министры Наталья Полянская. - Җир кишәрлекләрен анализлау нәтиҗәсендә территориаль планлаштыру документларында еш кына юл буе сервисы объектларын урнаштыру каралмаган булуы ачыкланды. Бу аларга кунакханәләр яисә автозаправкалар кебек объектлар төзү өчен җитди киртә булып тора.

Нәтиҗәдә, территорияне әзерләү өчен, беренчедән, урындагы үзидарә органы эшли һәм раслый торган территориаль планлаштыруның расланган документы кирәк. Икенчедән, җир кишәрлеген булдыру һәм аны тиешле категориягә күчерү кирәк булачак.

Башкортстан Хөкүмәтенең 2015 елның 3 февралендәге 21нче карары нигезендә бер категориядән икенчесенә җир кишәрлеген күчерү турында карар министрлык тарафыннан ике яклы ведомстволар һәм башкарма хакимият органнары белән берлектә кабул ителә. Мондый карарны кабул итү срогы 2 айга кадәр тәшкил итә.

Министрлык тарафыннан юл буе сервисы объектларын урнаштыру өчен участоклар әзерләүнең юл картасы өчен өстәмә чара – «Җир һәм милек мөнәсәбәтләре министрлыгына башкарма хакимиятнең район органнары тарафыннан җирләрне икенче категориягә күчерү буенча карарларны бирү» тәкъдим ителде. Башкару вакыты билгеләргә 5 көн бирелә.

 

Автор:Ример Насретдинов