-4 °С
Болытлы
Гәзиткә язылуVKOKTelegram
Барлык яңалыклар
Икътисад
6 август 2021, 17:45

Гөмбә үстерүчеләр сәламәтлекне сайлый!

"Туймазыагрогриб" җәмгыятенең күпчелек хезмәткәрләре вакциналау үтте.

Эмиль Мусин
Фото:Эмиль Мусин

"Туймазыагрогриб" җәмгыятенең күпчелек хезмәткәрләре вакциналау үтте.

- Соңгы вакытта техника сатып алуга шактый акча керттек, - ди предприятие җитәкчесе Марсель Фәррахов. – Быел биш чит ил авыл хуҗалыгы машинасы сатып алдык. Соңгы ике елда авыл хуҗалыгы мәйданнарын киңәйтеп, бөртекле һәм кузаклы культуралар җитештерү күләмен 35 процентка арттырып, ай саен 60 тоннадан артык гөмбә җитештерәбез. Тулы куәткә эшлибез, шул ук вакытта җитди кредит йөкләмәләре бар. Шуңа күрә хезмәткәрләрнең сәламәтлеге - безнең эшнең мөһим икътисади өлеше.

Коронавирус пандемиясе хуҗалык эшен катлауландырды. Битлек режимы һәм башка саклык чаралары булуга карамастан, 44 хезмәткәребезнең яртысы диярлек коронавирус белән авырып китте. Предприятиегә кыенга туры килде, чөнки бизнеста катгый кагыйдәләр эшли һәм партнерларыбызга ни өчен һәм күпме кешенең сафтан чыгуы кызык түгел. Банкка түләүләрне һәм продукция озатуны вакытында башкарырга кирәк.

Нәтиҗәдә, прививканы 22 кеше эшләтте. Хәзер алар үзләрен яхшы хис итә. Сүз уңаеннан, мин беренчеләрдән булып бардым. Алдагы көннәрдә тагын 8 кеше вакцина алды.

- Ни өчен прививка ясатырга булдыммы? Минем дустым - медик. Аның киңәшенә таяндым, - ди сатулар буенча менеджер Ираида Романова. - Без бит балачактан ук прививка ясата идек.

Минемчә, коронавируска каршы вакцина ясату да тиздән шундый ук гадәти булачак.

Автор:Резида Валитова
Читайте нас в