Барлык яңалыклар
Икътисад
13 август 2021, 21:31

Толбазы авылында ярминкә гөрләде

Ул "Сәламәт авыл" проекты кысаларында узды. Мәдәният сарае каршындагы мәйданда фермер хуҗалыклары кулай бәяләрдән мул уңыш тәкъдим итте.

Толбазы авылында ярминкә гөрләде
Авыргазылылар ярминкәдә сезонлы яшелчәләрнең кибет бәяләреннән шактый арзанрак булуын билгеләп үтте. Беренче эш итеп фермерлардан кишер сатып алып бетерделәр. Әниләр исә балалар белән яңа уку елына кирәк-ярак сайлады. Бал продукциясен урындагы умартачылар тәкъдим итте.

Шунда ук сәүдә палаталары янында түләүсез юридик ярдәм алырга мөмкин иде. Нигездә, кешеләр чүп-чар өчен түләү, суд приставларының битарафлыгы, аерылышу процесслары буенча мөрәҗәгать итте.

Сәүдә рәтләре янында гына түгел, балалар мәйданчыкларында да кеше күп иде. Аниматорлар балаларны биюләр һәм кызыклы конкурслар белән җәлеп иткән. Күңелле музыка, яхшы һава торышы, товарларның киң ассортименты бәйрәм кәефе тудырды.

Чараның кунагы - отставкадагы полиция полковнигы Динар Гыйльметдинов булды.

- Бергә җыелырга, күрешергә, аралашырга, бер-берсен тыңларга менә дигән сәбәп. Ә конструктив аралашу, кагыйдә буларак, тормышның төрле өлкәләрендә акыллы һәм кызыклы чишелешләр табарга мөмкинлек бирә.

Моннан тыш, биредә фермерлар үз продукциясен күрсәтте, шул рәвешле алар район халкы аңа игътибарын җәлеп итте. Болар барысы да яхшы әзерләнгән мәдәни һәм спорт программасы белән берлектә барды, - диде ул.

Шулай ук, Толбазыда вакциналау буенча флешмоб узды. Анда иҗтимагый яшьләр хәрәкәтләре активистлары һәм теләгән барлык авыргазылылар катнашты.

- Район халкын сәламәтлеген кайгыртырга, ел саен табиб-терапевтта профилактик тикшерү үтәргә чакырабыз. Әмма бигрәк тә яңа коронавирус инфекциясенә каршы вакциналауны кичекмәстән узарга чакырабыз. Исегезгә төшерәбез, район поликлиникасының прививка кабинеты барлык теләүчеләр өчен ачык, шулай ук барлык ФАПларда, табиб амбулаторияләрендә вакциналау оештырылган. Үзегезне саклагыз, якыннарыгызны яклау турында вакытында кайгыртырга онытмагыз! - диде район үзәге табиб-эпидемиологы Наил Әсфәндияров.

 

Автор:Ример Насретдинов