-19 °С
Болытлы
Гәзиткә язылуVKOKTikTokINSTAGRAM
Барлык яңалыклар
Икътисад
17 сентябрь 2021, 18:58

Никарагуа белән хезмәттәшлек ныгый

17 сентябрьдә Башкортстан Хөкүмәте Премьер-министры Андрей Назаров Никарагуа Президентының Русия белән мөнәсәбәтләр мәсьәләләре буенча махсус вәкиле Ортега Мурильо Лауреано Факундо белән очрашты. Чарада шулай ук Башкортстанның сәнәгать, энергетика һәм инновацияләр министры Александр Шельдяев, Тышкы икътисади элемтәләр һәм конгресс эшчәнлеге буенча дәүләт комитеты рәисе Маргарита Болычева, транспорт һәм юл хуҗалыгы министры урынбасары Руслан Гарипов катнаштылар.

Никарагуа белән хезмәттәшлек ныгый
Яклар Башкортстан белән Никарагуа арасында сәүдә-икътисади хезмәттәшлекне үстерүнең перспектив юнәлешләре турында фикер алышты. Хәзер республикалар арасында товар әйләнеше юк диярлек. Экспорт, нигездә, ягулык-энергетика товарлары белән тәэмин итеп тора. Андрей Назаров билгеләп үткәнчә, үзара файдалы сәүдә мөнәсәбәтләрен үстерү өчен потенциал бар.

– Безнең хезмәттәшлекне киңәйтү химия сәнәгате продукциясен, металл эшләнмәләрен, машина төзү товарларын экспорт белән тәэмин итү өлешендә, шулай ук нефть һәм газ чыгару һәм эшкәртү технологиясе өлкәсендә мөмкин, - диде Андрей Назаров.

Никарагуа Республикасы вәкилләре, үз чиратында, Евразия фәнни-мәгариф үзәгендә үз студентларын укыту, республикада пилотсыз очу аппаратлары һәм авыл хуҗалыгы продукциясе авиация кластеры булдыру белән кызыксындыл. Ортега әфәнде икътисади, фәнни, мәгариф һәм туристлык, юнәлешләр буенча хезмәттәшлек итәргә әзер булуларын белдерде.

Фото: Башкортстан Хөкүмәте

 

Автор:Ример Насретдинов