-14 °С
Болытлы
Гәзиткә язылуVKOKTikTokINSTAGRAM
Барлык яңалыклар
Икътисад
28 октябрь 2021, 21:29

183 технопарк арасында - сигезенче

Башкортстан технопаркы Русия технопаркларының гомумдәүләт рейтингында сигезенче урынны алды.

183 технопарк арасында - сигезенче

"ХТЦ УАИ– РООЙЛ" технопаркы «Технопарк эшчәнлеге нәтиҗәлелегенең иң югары дәрәҗәсе» төркеменә керде һәм Русиянең 183 технопаркы арасында 8нче урын алды. Русия технопаркларының 2021 ел өчен VII Милли рейтингына Русия кластерлары, технопарклары һәм махсус икътисади зона ассоциациясе йомгак ясады.

- Технопаркларның гомумдәүләт рейтингы - аларны бөтен ил буенча тарату өчен иң яхшы тәҗрибәләрне ачыклау. Пандемия һәм аның икътисади нәтиҗәләре тискәре йогынты ясамады, киресенчә, «югары дәрәҗә»дән технопарк эшчәнлеге нәтиҗәлелегенең «иң югары» дәрәҗәсенә күтәрелде, – дип шәрехләде Башкортстанның сәнәгать, энергетика һәм инновацияләр министры Александр Шельдяев.

2021 елда рейтингка 40 технопарк кергән. Экспертлар идарә итүнең иң яхшы тәҗрибәләрен һәм Русия икътисадының югары технологияле секторын үстерүгә керткән өлешен бәяләде. Мәскәү, Пермь крае һәм Свердловск өлкәсе технопарклары аеруча нәтиҗәлелекне күрсәтте.

2021 елда рейтинг нигезендә 5 төркем (суб-индекслар) буенча детальләштерелгән 21 күрсәткеч бар. 2022 елда технопарклар эшчәнлеген җайга сала торган законнардагы үзгәрешләр белән бәйле рәвештә, методикага тиешле төзәтмәләр кертеләчәк.

Фото: pravitelstvorb.ru

Автор:Резида Валитова