Эшкуарларны нәрсә борчый?

Бүген Башкортстанда Эшкуарларның хокукларын яклау буенча вәкаләтле вәкилнең эшкуар тарафыннан продукцияне маркировкалау турындагы мәсьәләне карау буенча эшче төркеме утырышы булды. Утырышта эшкуарларның иҗтимагый оешмалары вәкилләре, экспертлар, юристлар һәм эшкуар үзе катнашты. Утырышны Эшкуарлары хокукларын яклау буенча вәкаләтле вәкил Флюр Әсәдуллин алып барды.

- Мондый форматта чаралар үткәрү үзенең нәтиҗәлелеген раслады, - дип билгеләде бизнес-омбудсмен. - Утырышлар кысаларында без хәлне төрле яктан күрә һәм бәяли, эшкуарларның, башка кызыксынган якларның, барлык җәлеп ителгән затларның фикерен тыңлый һәм, шуннан чыгып, эшкуарга тискәре йогынтыны мөмкин кадәр киметеп, иң оптималь карар кабул итә алабыз, - дип ассызыклады Флюр Әсәдуллин.

Катнашучылар эшкуарның җәмәгать туклануы өлкәсен тәкъдим итүче мөрәҗәгатен карады. Техник регламентка караганда, төргәкләнгән азык-төлек продукциясен маркировкалау белешмәләре кулланучылар төргәгенә яисә һәр төргәк берәмлегенә урнаштырыла торган кәгазь-кертемгә китерелергә тиеш. Бу уңайдан эшкуар җитди финанс югалтулар кичерә. Моның белән беррәттән, эшкуар сүзләренчә, 2022 елда чимал, тара, төргәк һәм чыгым материаллары, шул исәптән мондый кәгазьләр-кертемнәр әзерләү өчен кулланыла торган кәгазь бәясе шактый арткан. Иҗтимагый оешмалар вәкилләре фикеренчә, шундый ук проблемага җәмәгать туклануы өлкәсендә күп кенә эшкуарлар юлыккан.

Проблеманы тикшергәннән соң, утырышта катнашучылар тәэсирле чишелешләрнең берсе - кертемче-биткә, электрон формага урнаштырыла торган мәгълүматны күчерү булачак, дип карар кылдылар. Карала торган мәсьәлә буенча эксперт бәяләмәсен әзерләгән pro bono эксперты Руслан Сафин эшкуарга хәлне рәсми аңлату өчен "Роспотребнадзор"га тиешле запрос җибәрергә тәкъдим итте.

Бизнес-омбудсмен Флюр Әсәдуллин мәсьәләне хәл итү өчен якын арада Башкортстанның Сәүдә һәм хезмәтләр күрсәтү министрлыгына югарыда аталган Техник регламентка тиешле үзгәрешләр кертү буенча ярдәм итүне сорап хат җибәрәчәген әйтте. Моннан тыш, эшкуарларда мондый проблема барлыгы турында федераль бизнес-омбудсмен Борис Титов мәгълүмат бирәчәк.