-4 °С
Кар
Гәзиткә язылуVKOKTelegram
Барлык яңалыклар
Икътисад
6 Май 2022, 16:35

"Эксперт РА" агентлыгы Башкортстанның кредит рейтингын раслады

Башкортстан Хөкүмәте Премьер-министры Андрей Назаров социаль челтәрләрдә пост урнаштырган.

"Эксперт РА" агентлыгы Башкортстанның кредит рейтингын раслады
"Эксперт РА" агентлыгы Башкортстанның кредит рейтингын раслады

"Эксперт РА" рейтингны раслады (https://www.raexpert.ru/releases/2022/may05a), безнең Башкортстанның кредит сәләте ruАА+ дәрәҗәсендә. Бу - югары кредитка сәләтлелек, финанс ышанычлылык һәм тотрыклылык дәрәҗәсе. Милли Русия рейтинг шкаласы кредит рейтингларын дәүләт эчендә чагыштыру мөмкинлеген тәэмин итә. Фараз - тотрыклы. Бу - барыбыз өчен дә зур казаныш.

Безнең республика - илдә иң борынгы нефть чыгаручы төбәкләрнең берсе. Мондый бәя безнең тарафтан гамәлгә ашырыла торган финанс сәясәтенең, икътисадның һәм бюджетның тышкы факторларга тотрыклылыгының нәтиҗәлелеген күрсәтә. Без – химия сәнәгате һәм машина төзелеше үзәге. Башкортстан икътисады эшкәртүгә (нигездә - нефть продуктларын) һәм сәүдәгә юнәлгән; сәнәгать тулаем төбәк продуктының 30 проценттан артыгын формалаштыра. Бездә Русиядә иң эре ягулык-энергетика һәм нефть химиясе комплексларының берсе - һәм без Русиядә нефть чыгару буенча топ-10да.

Башкортстан, моннан тыш, авыл хуҗалыгы продукциясе җитештерү буенча иң эре төбәкләрнең берсе, нигездә, терлекчелек өлкәсендә. Хисап елында сәнәгать үсеше күзәтелде; төп капиталга инвестицияләр күләме үткән елда 364,9 миллиард сум тәшкил итте, бу - 2020 елдагыдан 9,3 процентка артык.

Экспертлар бәяләвенчә, Башкортстан югары күләмле параметрлар белән характерлана: узган ел нәтиҗәләре буенча тулай төбәк продукты күләме 2 триллион сум тәшкил иткән, бу чагыштырма бәяләрдә 2020 ел дәрәҗәсеннән 4,2 процентка югарырак. Икътисади хәлне яхшырту фонында төбәк предприятиеләренең җитештерү куәтләренең артуы уңай динамика белән аңлатыла”, - дип яза Андрей Назаров “Телеграмм”да.

Фото: t.me/agnazarov/151

Автор:Фануз Хабибуллин
Читайте нас: