+21 °С
Болытлы
Икътисад
6 июнь 2022, 14:50
Бизнесны яклауның нәтиҗәле инструментлары нинди?
«Урал аръягы - 2022» дүртенче Бөтенрусия инвестсабантуе кысаларында 3 июньдә Сибайда «Бизнесны яклауның нәтиҗәле инструментлары: җайга салу сәясәте һәм җайлау йогынтысын бәяләү» сессиясе узды. Аны Русия Икътисади үсеш министрлыгы һәм Башкортстан Республикасы Хөкүмәте оештырды.
Бизнесны яклауның нәтиҗәле инструментлары нинди?
Сессиянең модераторы булып Башкортстан Республикасында Эшкуарлар хокукларын яклау буенча вәкаләтле вәкил Флүр Әсәдуллин чыгыш ясады. Дискуссияне ачып, ул җайга салу сәясәте һәм җайлау йогынтысын бәяләү — норматив-хокукый актларны эшләү, кабул итү һәм куллану этапларында административ киртәләргә каршы көрәшнең төп инструментлары, дип искәртте.
Башкортстан Республикасының икътисади үсеш һәм инвестицион сәясәт министры урынбасары Зөлфия Гомәрова барлык җыелучыларны сәламләде, сессия спикерларына катнашулары өчен рәхмәт белдерде һәм дәүләтчелек институтлары буларак җайга салучыларның күп еллар дәвамында булуын, әмма соңгы елларда бизнес мәнфәгатьләрен активрак исәпкә алуларын билгеләп үтте.
Русия Икътисади үсеш министрлыгының җайлау сәясәте һәм җайлау йогынтысын бәяләү департаменты директоры урынбасары Александр Шамрай 2020 ел нәтиҗәләре буенча җайга салу балансы кысаларында 12 меңнән артык норматив-хокукый акт, шул исәптән 9 мең совет чоры акты юкка чыгарылган, һәм бу реформа 39 дәүләт ведомствосына кагылды, дип искәртте. Аның сүзләренә караганда, әлеге баланс кысаларында яңадан каралмаган актлар эшкуарлык һәм эксперт берлеге катнашлыгында яңадан бастырыла.
Сессиянең хөрмәтле кунагы - Эшлекле Русиянең Мәскәү бүлеге советы әгъзасы Наталья Демченко булды, ул бизнес мәнфәгатьләрен яклау буенча Башкортстанның актив эш алып баруын хуплады.
Сессия эшендә шулай ук эшкуарлар, федераль һәм республика башкарма хакимият органнары вәкилләре, бизнес-шерифлар катнашты.
Фото: pravitelstvorb.ru
