"Made in Bashkortostan" - алга!

Документка Башкортстанның тышкы икътисади элемтәләр һәм конгресс эшчәнлеге министры Маргарита Болычева һәм Экспортерлар һәм импортерлар ассоциациясе вице-президенты Павел Долгов кул куйдылар. Килешү кысаларында яклар экспорт һәм импорт буенча мәгълүмат алмашачак, шулай ук әлеге юнәлештә уртак чаралар оештырачак.

Әлеге хезмәттәшлекнең максаты - Русия һәм чит ил партнерлары арасында тышкы икътисади климатны яхшырту, потенциаль сатып алучыларны һәм республика предприятиеләре өчен сатучыларны эзләү.

Маргарита Болычева билгеләп үткәнчә, Экспортерлар һәм импортерлар ассоциациясе Русия экспортерларын гына түгел, ә барлык илләрдә импортерларның үз базаларына ия булган бердәнбер оешма булып тора.

- Коллегалар белән инде өч проект буенча эш алып барыла. Бу ассоциация ягыннан «Уфа диалогы» проектында - Русия белән эшләүдә кыенлыклар булган импортерларны җәлеп итү өлешендә ярдәм итү. "Эшләнелә торган проект федераль дәрәҗәдә экспортерларга һәм импортерларга һәрьяклап ярдәм итү буенча халыкара бизнес атнасында тәкъдим ителәчәк һәм "Made in Bashkortostan" брендын алга этәрүдә ярдәм итү булачак", - диде Маргарита Болычева.