Эшкуарлар бушлай консультация алачак

Кече һәм урта бизнес вәкилләре өчен төрле юнәлешләр: экологик контроль һәм аудит, салым салу, икътисади һәм арбитраж бәхәсләр, гомум юридик мәсьәләләр буенча консультацияләр оештырылды.

Эшкуарлар шулай ук дәүләт хакимияте органнары, урындагы үзидарә органнары һәм оешмалар тарафыннан үз хокукларын һәм законлы мәнфәгатьләрен бозу мәсьәләләре буенча консультацияләр алырга мөмкин.

- Эшкуарлык эшчәнлеген алып барырга мәктәптә дә, университетта да өйрәтмиләр. Аларга мөстәкыйль рәвештә үз тәҗрибәсендә башка бизнесны алып баруның нечкәлекләрен белергә туры килә, - дип билгеләде Эшкуарлар хокукларын яклау буенча вәкаләтле вәкил Флүр Әсәдуллин. - Ләкин белем һәм күнекмәләр еш кына җитәрлек түгел, нәтиҗәдә - хаталар, җитешсезлекләр, югалтулар, штрафлар. Мондый консультацияләр эшкуарларга үз компетенцияләрен күтәрергә, киләчәктә бизнеста хаталардан качарга һәм үз эшенең сыйфатын арттырырга ярдәм итәчәк, - диде бизнес-омбудсмен.

Консультацияләр Башкортстан Республикасы территориясендә теркәлгән, Кече һәм урта эшкуарлык субъектлары реестрына кертелгән барлык малтабарларга бушлай һәм һәркем алала. Аларны югарыда күрсәтелгән юнәлешләр буенча белгечләр, pro bono экспертлары, юристлар һәм адвокатлар уздырачак.

Консультациягә түбәндәге телефоннар буенча язылырга мөмкин: 79174001818, 7(347) 218-18-18.