“Менә шундый кешеләргә без ярдәм итәргә әзер!”

“Таныш булыгыз, Павел Михайлов, Архангель районында яши. Талантлы яшь егет. Пауэрлифтинг буенча спорт остасы. Һәм шуның белән бергә – “Агачлар күләгәсендә” дизайнер җиһазлары ясау буенча гаилә остаханәсенә нигез салучы. УДАТУ тәмамлый, чит илдә белем алу өчен Русия Федерациясе Президенты стипендиясе иясе, аның кысаларында 2020 елда Италиядә “University of Salerno”да стажировка узган. Ләкин бу гына түгел.

Павел Михайлов 3D-модельләштерү үзләштергән һәм санлы программа идарәсе булган станоклар белән идарә итәргә өйрәнгән. Кече һәм урта эшкуарлыкны үстерү буенча агентлыкның «Яшьләр эшкуарлыгы» мәгариф программасы буенча курсны тәмамлый, шәхси эшкуарлыкны рәсмиләштергән һәм 25 яшькә кадәрге яшь эшкуар буларак грантка дәгъва итә.

Ә хәзер - игътибар. Реклама түгел! Павел Михайловның эшләнмәләре уникаль. Бу яшь останың эшләнмәләре арасында - имән һәм эпоксид сумаладан сувенирлар, журнал өстәлләре, сәгатьләр.

Планнарда - грант акчасына киптерү аппараты һәм санлы программа идарәсе булган фрезер станогы сатып алу.

Менә шундый инициативалы кешеләргә без ярдәм итәргә әзер. Монда, безнең инвестпорталда, барлык ярдәм чаралары махсус бүлектә: https://investrb.ru/ru/business/business_support

Барыгызга да уңышлар!” - дип яза Радий Хәбиров.

Фото: vk.com/radiyhabirov